Шиветсийә парламентида «хитайға йеңи позитсийә тутуш тәклип лайиһәси» мақуллиқтин өткән

Ихтиярий мухбиримиз әкрәм
2019-12-19
Елхәт
Пикир
Share
Принт
Шиветсийә парламентидин бир көрүнүш.
Шиветсийә парламентидин бир көрүнүш.
Social Media

Шиветсийәдә «хитайға йеңи позитсийә тутуш тәклип лайиһәси» 17-декабир кәчтә шиветсийә парламентида мақуллуқтин өткән.

Шиветсийә уйғур маарип уюшмисиниң мәсуллиридин ниҗат турғун әпәндиниң бәргән мәлуматлириға асасланғанда, 100 бәтлик мәзкур тәклип лайиһәси шиветсийә дөлитиниң хитай билән болған сиясий, иқтисадий, депломатик мунасивәтлиридә позитсийәсини өзгәртиш, шиветсийә һөкүмити шиветсийә дөлити вә явропа иттипақиниң мәнпәәтини чиқиш қилған һалда хитайға йеңичә позитсийәдә муамилә қилишни ишқа ашурушни асасий мәзмун қилған болуп, уйғурлар вә җаза лагерлири мәсилисиму униң бир тәркиби қисми болған икән.

Ниҗат турғунниң баян қилишичә, 12-айниң 13-күни шиветсийә парламентида уйғурлар вә җаза лагерлири мәсилиси тоғрисида бир нөвәт талаш-тартиш болуп өткән. Шиветсийәдики 8 партийәниң вәкиллири шиветсийә ташқий ишлар министерлиқидин уйғурлар учраватқан бу зулумларни тосуп қелиш, җаза лагерлирини әмәлдин қалдуруш үчүн зади немә ишларни қилғанлиқини сориған вә җавабларға еришкән.

16-Декабир күни әзәрбәйҗан нәслидин болған шиветсийә парламентиниң әзаси айлин фазелиян уйғурлар вә җаза лагерлири тоғрисида тохталғанда «хитайниң маңа болған муамилиси интайин иллиқ, әмма биз униң кишилик һоқуққа қиливатқан еғир таҗавузчилиқиға һәргиз көз юмивалалмаймиз, һеч болмиса хитайниң 30 милйон мусулман уйғурларға болған бастурушлириға,» дегәнләрни тилға алған иди. 

Шиветсийә һөкүмитиниң ташқий сияситини қайта көздин көчүрүп «йеңи хитай истратегийәси» ни оттуриға қоюшиға, хитайға башқичә позитсийә тутушиға сәвәб болған көплигән амиллар болсиму, буниң ичидә асаслиқи хитайниң шиветсийә һөкүмити вә мәтбуатлириға қиливатқан һуҗумлири, шиветсийә һакимийитигә қарита һәр хил мудахилиси, шиветсийәниң иқтисадий учурлири һәм һәрбий техника қуввәтлирини оғрилаш, сетивелишқа урунуш қилмишлири муһим амил болуп һесаблинидикән. Буниң қатарида хитайда күнсери яманлишиватқан кишилик һоқуқ вәзийити, хитайниң җаза лагерлири сиясити вә уйғурларға селиватқан еғир зулумлириму бу амиллар қатаридин йәр алған. 

Ниҗат турғунниң билдүришичә, шиветсийә һөкүмитиниң «йеңи хитай истратегийәси» ни бекитишигә униң ғәрб қиммәт қаришиға садиқлиқи, кишилик һоқуққа һөрмәт қилиш, инсанпәрвәрликни алдинқи орунға қоюштәк иҗабий алаһидиликлириму бир сәвәб болған. 

Мәлуматларға асасланғанда, «йеңи хитай истратегийәси» дәпму атилидиған «хитайға йеңи позитсийә тутуш тәклип лайиһәси» алдимиздики күнләрдә шиветсийә парламентида қарарға бағлинип, шиветсийә һөкүмитиниң иҗра қилишиға сунилидикән. Униңдқа уйғурлар вә җаза лагерлири тоғрисида зади қандақ конкирет қарарларниң оттуриға чиқиши һазирчә мәлум әмәскән.

Шиветсийәдә яшайдиған д у қ баянатчиси дилшат решит бу һәқтә тохталғанда, уйғурлар тоғрисидики қарарниң рояпқа чиқиши үчүн д у қ шиветсийәдики уйғур тәшкилатлири вә уйғур сиясий актиплириниң көп тиришчанлиқ көрсәткәнликини тилға алди. Ниҗат туғунму шиветсийәдә яшайдиған 2 миңдәк уйғурниң шиветсийә һөкүмитиниң уйғурлар мәсилисигә көңүл бөлүшигә түрткә болған амилларниң бири икәнликини әскәртти.

Пикирләр (0)
Share
Толуқ бәт