Хитай милләтчилики дуня сәһнисидә қалаймиқанчилиқ туғдурмақта икән

Мухбиримиз җүмә
2020-04-26
Елхәт
Пикир
Share
Принт
Хитайниң тәшвиқат аппарати болған CGTN қанили «StillNoInfo#» һәрикитини қарилашқа урунмақта.
Хитайниң тәшвиқат аппарати болған CGTN қанили «StillNoInfo#» һәрикитини қарилашқа урунмақта.
Social Media

Хитай компартийәси тәшәббус қиливатқан хитай милләтчилики хитай ичидә аққан билән дуня сәһнисидә қалаймиқанчилиқ туғдурмақта икән.

«Җәнубий хитай сәһәр гезити» ниң хәвәр қилишичә, милләтчилик хитай компартийәсиниң өзини қанунлуқ һакимийәт қилип көрситиш истратегийәсиниң негизлик қисми болсиму, әмма көзәткүчиләр буниңдин хитайниң дуняви образиға зәхмәт йәткүзидиғанлиқини ейтқан.

Хәвәрдә нәқил қилишичә, бу һәқтә тохталған голландийәдики «ләйдин асия тәтқиқат мәркизи» ниң директори флориян шнайдер, әгәр дуняда хитайға қарши һессият күчәйсә буниң хитайниң «бир йол бир бәлвағ пилани» ни релистин чиқириветидиғанлиқини ейтқан. 

У мундақ дегән: «мәйли вийетнам яки қазақистан болсун әгәр хитайниң компютер кунупка тахтиси җәңчилири у дөләтниң пуқралириниң чишиға тегиверидиған болса, у һөкүмәтләр хитай билән һәмкарлишишни ақлашта қейин әһвалға чүшүп қалиду.»

Хәвәргә қариғанда, хитайдики 854 милйон абунти бар «үндидар», «QQ» вә «вйбо» қатарлиқ иҗтимаий медия мунбәрлири «хитай мәркәзчилики» идийәлири кәң базар тапидиған орунлар икән.

Булар иқтисадий мәнпәәтни дәп милләтчилик түсидики сахта хәвәрләрниму коп тарқитидикән.

Бу һәқтә тохталған чиңхуа университетниң сабиқ профессори ву чяң иҗтимаий медияда тарқиливатқан «хитай мәркәзчилики» учурлириниң кона заманлардики «хитай дуняниң мәркизи» дәйдиған уқумларни әслитидиғанлиқи, әмма буниң хәлқара җәмийәтни әнсиритидиған вә биарам қилидиған амил һесаблинидиғанлиқини билдүргән. 

Корона вируси вәһимиси дуняни қаплиған мәзгилдә ирқий кәмситиш хаһишлири хитайда техиму қаттиқ әвҗ елишқа башлиған иди.

Пикирләр (0)
Share
Толуқ бәт