Xitay kompartiyesining qorqutup idare qilish taktikisining dunya we xitay xelqini xeterge ittiriwatqanliqi bildürüldi

Muxbirimiz jüme
2020-04-12
Élxet
Pikir
Share
Print
100 Neper nopuzluq xitay tetqiqatchiliri teripidin zimistan torida élan qilin'ghan xitay kompartiyisening xetiri heqqidiki imzaliq ochuq xet. 2020-Yili 11-aprél.
100 Neper nopuzluq xitay tetqiqatchiliri teripidin zimistan torida élan qilin'ghan xitay kompartiyisening xetiri heqqidiki imzaliq ochuq xet. 2020-Yili 11-aprél.
bitterwinter.org

Dunyaning her qaysi jayliridiki 100 neper nopuzluq xitay tetqiqatchiliri ochuq xet élan qilip, xitay kompartiyesining qorqutup idare qilish taktikisining dunya we xitay xelqini xeterge ittiriwatqanliqini bildürgen.

Xette mundaq déyilgen: "Xitay xelqi we dölet ichi-sirtidiki xitayning dostliri, nöwettiki dunyawi krizis siler köpinchinglar yillardin béri qollap we chidap kelgen réjim teripidin peyda qilindi."

Ochuq xette xitayning nöwettiki xitay siyasitini eyibligen musteqil tetqiqatchi proféssor shu jarungni tutqun qilghanliqi, dunyawi wabaning menbesi xubéy wuxendiki xitay kompartiye hakimiyiti teripidin basturup qoyulghanliqi, dunya sehiye teshkilatining xitay kompartiyesining tesiri astida yuqum xetirini töwen qilip körsetkenliki bayan qilin'ghan.

Xette xitay xelq jumhuriyitining hemmeylenni xeterge ittergenliki we xitay kompartiyesining siyasetlirini qarar qoyuq qollashqa bolmaydighanliqi körsitilgen.

Xette mundaq déyilgen: "Xitay kompartiyesining muddi'asi we hökümetke qarashliq tetqiqatchilarning bir partiyelik bu döletning siyasetlirini tenqidsiz testiqlashlirini qobul qilishning ornigha, biz xitayda 'biresmiy' dep qarilidighanlarning sadasigha étibar bérilishide rol oyniyalaymiz. Bu hökümetke baghlanmighan tetqiqatchilar, doxturlar, sana'etchiler, puqralar, muxbirlar, xelqperwer adwokatlar we yash oqughuchilar xitay kompartiyesining qorqutup bashqurushini qobul qilmasliqi kérek. Silermu hem shundaq."

Ular xétide yene xitay kompartiyesi jimiqturghan bir qisim doxtur, adwokat we proféssorlarning namini tilghan élip "Ularning erkin we ochuq xitay üchün öz hörlüki we hayatini teqdim etken shéhitlar" ikenlikini bayan qilghan.

Xetke dunyadiki nopuzluq proféssor, diniy zat, tetqiqatchi we kishilik hoquq pa'aliyetchiliri qatarida dunya Uyghur qurultiyi tetqiqatchisi rehime mexmutmu imza qoyghan.

Imzaliq ochuq xet 12-aprél zimistan torida in'glizche we xitayche ikki xil tilda élan qilin'ghan.

Toluq bet