Саддам һүсәйин кәлгүси 24 саәт ичидә дарға есилиши мумкин

2006-12-29
Елхәт
Пикир
Share
Принт

Ирақниң сабиқ президенти саддам һүсәйинниң мушу бир қанчә саәт ичидә дарға есилидиғанлиқи хәвәр қилинди. Чәтәл мәтбуатлириниң хәвәр қилишичә, ирақтики вәқәдин хәвәрдар кишиләр саддамниң җүмә күни кәчтә дарға есилидиғанлиқини билдүргән. Лекин бәзи күзәткүчиләр, өлүм җазасиниң қурбан һейт мунасивити билән бир һәптә кечиктүрүлүш еһтимали йоқ әмәсликини билдүрмәктә.

Саддам һүсәйинниң адвокати, америка һәрбий даирилириниң саддам һүсәйингә тәвә буюмларни елип кетишни тәләп қилғанлиқини билдүргән. Лекин у, америкилиқларниң саддамни қачан ирақ даирилириға тапшуруп беридиғанлиқини билмәйдикән.

Америка ирақниң игилик һоқуқини буниңдин хели бурунла ирақлиқларға өткүзүп бәргән болсиму, лекин саддам һүсәйинни һазирға қәдәр бағдат айродрумидики бир җайда тутуп турмақта.

Ирақ баш министири әл малики, саддамниң өлүм җазаси һәргиз кечиктүрүлмәйдиғанлиқини билдүрди. У, саддам һүсәййинниң дарға есилишиға қарши туруш, саддамниң зиянкәшликигә учриғучиларға қилинған һақарәт, дәйду.

Ню - йорк вақти гезити, саддамниң әң балдур болғанда шәнбә күни әтигәндә дарға есилидиғанлиқини илгири сүрди. Америка һәрбий даирилири болса саддамниң өлүми тоғрисидики хәвәрләргә баһа беришни рәт қилди. (Әркин)

Пикирләр (0)
Share
Толуқ бәт