Мюнхен террорлуқ һуҗуми һәққидики әң йеңи мәлуматлар

Ихтиярий мухбиримиз әкрәм
2016-07-24
Елхәт
Пикир
Share
Принт
Мюнхен шәһириниң сақчи қораллиқ һуҗум мәйданида
Мюнхен шәһириниң сақчи қораллиқ һуҗум мәйданида
RFA/Ekrem


22 - Июл мюнхенда йүз бәргән террорлуқ һуҗумида 10 адәм өлүп, 27 адәм яриланған, вәқәни 18 яшлиқ иран нәсиллик бир герман пуқраси садир қилған, у вәқәдин кейин өлгән.

Мюнхен шәһириниң сақчи башлиқи һубәртус андрениң бүгүн сәһәр бәргән мәлуматиға асасланғанда, 22 - июл кәч саәт 6:35 минут өткәндә шәһәр мәркизидин 7километир йирақлиқтики олумпия сода мәркизидә йүз бәргән һуҗум вәқәсидә қатилни өз ичигә алған һалда илгири - кейин 10 адәм өлгән 27 адәм яриланған 11 адәмниң яриси еғир. Вәқә садир қилғучи 18 яшлиқ иран нәсиллик яш, вәқәдин кейин өзини өлтүрүвалған. Униң немә үчүн бундақ бир вәқәни садир қилғанлиқи тоғрисида һечқандақ йип учи йоқ.

Олумпия сода мәркизи
Олумпия сода мәркизи RFA/Ekrem

Бу вәқә пүтүн германийәни ләрзигә салди. Мюнхен шәһиридә 22 - июн кәч саәт 6:35 дин башлап йерим кечигичә еғир вәһимә пәйда қилди. Қанчә 10 миңлиған пуқра қамилип қалди. Миңларчә сақчидин сирт, мәхсус террорға қарши туруш органлири, қораллиқ күчләр, от өчүрүш әтрити, дохтурлар, һөкүмәт хадимлири вәқәни бесиқтуруш, қатилларни тутушқа сәпәрвәр қилинди. Шәһәрниң пүтүн қатнаш линийилири қамал қилинип, мәркәздики онмиңлиған адәм аваричиликләргә учриди. Сақчи тәрәп вәқә йүз берип 3 саәттин кейин «вәһший террорлуқ һуҗуми» дәп атиған болсиму, бу вәқәни кимниң садир қилғанлиқи бекитилгәндин кейин, бүгүн бу гәпләрни қайтурувалди.

Сақчи тәрәпниң билдүрүшичә, мюнхен шәһиридики еғир вәһимигә 18 яшлиқ иран нәсиллик бир яшниң һуҗум вәқәси сәвәб болуш билән биргә, ямини сақчи тәрәпкә йәткүзүлгән хата мәлуматлар сәвәб болған. Сақчи тәрәп пуқралардин мундақ 3 түрлүк хата учурни тапшуруп алған: 1 - хата учур, «қатиллар җәмий 3 киши. Узун столлуқ қораллар билән қораллинип кишиләрни оққа тутти.» 2 - Хата учур, «мәрйәм мәйдани, стаһус мәйданлирида террорлуқ һуҗуми йүз бәрмәктә.» 3 - Хата учур, «мәркизи вогзал әтрапида қораллиқ етишиш болди.»

Мәлум болушичә, мана бу хата учурлар 4 - хаталиқниң келип чишиға сәвәб болди. Сақчилар җинайәтчиләрниң қечип кәткәнликини, издәватқанлиқини елан қилди. Буниң билән, йәнә бир җайда вәқә йүз бериш еһтималлиқи оттуриға чиқип, вәзийәт җиддийлишип кәтти.

«N24» Вә «җәнубий германийә телевизийәси» қатарлиқ қаналларниң бүгүнки мәлуматлирида тилға елинишичә, өзлирини «нәқ мәйданни көзи билән көгән гуваһчи» қилип тонуштурған кишиләрниң бәргән бу хата учурлири мюнхен шәһиридики пүтүн һакимийәт қораллиқ күчлирини қозғапла қалмастин, қошна өлкиләрдинму ярдәмчи күчләрни йөткәшкә сәвәб болған. Шәһәрни 5 саәттин артуқ вәһимә қаплиған. Болупму, адәм деңизи өркәшләйдиған, шәһәрниң қайнақ сода мәркизи болған мәрйәм мәйдани, стаһус мәйдани һәмдә мәркизи пойиз истансиси әтрапида террор һуҗуминиң мәвҗутлуқи һәққидики хата мәлумат, шәһәрниң пүтүн қатнашлирини үзүп, қанчә онмиңлиған кишиниң сода сарайлири, идарә - органлар, ресторанлар қатарлиқ җайларға қечип кирип панаһлинишини кәлтүрүп чиқарған. Һөкүмәт даирилири асасий күчлирини мушу җайларға мәркәзләштүргән. Чүнки, бу җайларда вәқә йүз бәрсә, өлүм - йетим һадисилири техиму еғир болуиши мумкин иди. Сақчиларму телевизорларда тохтимай кишиләрни кочиларни тәрк етишкә, өйлиридин чиқмаслиққа дәвәт қилип, әндишини юқири пәллигә көтүргән.
Олумпия сода мәркизи
Олумпия сода мәркизи RFA/Ekrem

Мюнхен шәһәр мәркизидики д у қ хизмәт бинаси, тәклимакан уйғур ресторани, қәшқәр ресторани, тәңритағ ресторани қатарлиқ җайларму 22 - июлдики бу вәһиминиң тәсиригә учриди.

Бүгүн зияритимизни қобул қилған д у қ баш катипи долқун әйса әпәнди 22 - июл кәч бир топ кишиләрниң оқ авазлиридин үркүп, қурултай ишханисиға қечип киргәнликини, таки сақчи тәрәп вәқәниң бесиққанлиқини билдүргүчә д у қ бинасида панаһлинип турғанлиқини билдүрди.

Мәркизи пойиз истансиси йенидики «тәклимакан уйғур ресторани» ниң хоҗайини рәйһан ханимму 22 - июл кәч нурғун кишиниң бу ресторанда панаһланғанлиқини тилға алди.

Мәркизи пойиз истансисиға йеқин болған «қәшқәр уйғур ресторани» хоҗайини ғәйрәт әпәндиму, 22 - июл кәч бу ресторанниң көплигән кишиләргә панаһгаһ болғанлиқини баян қилди.

«Тәңритағ уйғур ресторани» хоҗайини гүлнар ханим зияритимизни қобул қилғанда, вәқә һәққидә өзлириниң көргән - билгәнлирини сөзләп бәрди.

Нәтиҗә етибари билән, бу қетимқи вәқәниң бирла орунда йүз бәргәнлики, бирла кишиниң садир қилғанлиқи, һәр хил ахбарат васитилиридә түнүгүндин бери тилға елинған нурғун мәлуматларниң хаталиқи бүгүн ашкариланди. Вәқәдә уйғурларниң зиянкәшликкә учриғанлиқи һәққидә һечқандақ учур йоқ. Мюнхен шәһиридә нормал һаят әслигә кәлди.

Пикирләр (1)
Share

Майбулақ

Хәвәрләрдә 18 яшлиқ яш давид али сонболй бу вәқәни бир йил пиланлиған болуп, униң компютеридин норвегийилик террорист андрс брәйвикниң рәсимлирини йүклигәнлики байқалған. Террорлуқ вәқәсиниму дәл норвегийидики террорлуқ вәқәсиниң бәш йиллиқ хатирә күнигә тоғрилиған. У 2015-йили чүшкүнлүк кесили сәвәбидин икки ай писхикилик даваланған икән.

Jul 25, 2016 04:43 PM

Толуқ бәт