«Туранда ялғуз бир вәтән - шәрқий түркистан» намида йиғин өткүзүлди

Ихтиярий мухбиримиз арслан
2019-03-21
Елхәт
Пикир
Share
Принт
Доктор пәрһат қурбан тәңритағли билән һамут көктүрк әпәндиләр «туранда ялғуз бир вәтән - шәрқий түркистан» намлиқ йиғинға тәклип билән қатнишип, уйғурларниң бүгүнки вәзийитини аңлатти. 2019-Йили 19-март, түркийә.
Доктор пәрһат қурбан тәңритағли билән һамут көктүрк әпәндиләр «туранда ялғуз бир вәтән - шәрқий түркистан» намлиқ йиғинға тәклип билән қатнишип, уйғурларниң бүгүнки вәзийитини аңлатти. 2019-Йили 19-март, түркийә.
RFA/Arslan

19-Март күни истанбулдики мармара университетида «туранда ялғуз бир вәтән - шәрқий түркистан» намлиқ йиғин өткүзүлди.

Мармара университетиниң сиясий илим факултети түрк мәдәнийити кулубиниң уюштуруши билән өткүзүлгән бу йиғинда уйғур академийәсиниң баш катипи доктор пәрһат қурбан тәңритағли билән уйғур хәвәр вә тәтқиқат ториниң мәсули һамут көктүрк әпәндиләр тәклип билән қатнишип, уйғурларниң бүгүнки вәзийитини аңлатти.

Ундақта бу йиғинда уйғурларға алақидар қайси мәсилиләр оттуриға қоюлди? йиғин қатнашқучилиридин уйғурларға мунасивәтлик қандақ пикир вә соаллар оттуриға қоюлди?

Биз бу һәқтә мәзкур йиғинда сөз қилған уйғур академийәсиниң баш катипи доктор пәрһат қурбан тәңритағли вә уйғур хәвәр вә тәтқиқат ториниң мәсули һамут көктүрк әпәндиләр билән сөһбәт елип бардуқ.

Пәрһат қурбан тәңритағли бу йиғинда алди билән уйғурларниң қисқичә тарихи тоғрисида тохтилип өткәнликини, андин хитайниң җаза лагерлириға қамалған уйғурларниң әһвали, уйғур сәрхиллириниң биринчи дәриҗилик бастурулуш нишани қилиниватқанлиқи һәмдә хитайниң районда йүргүзүватқан ирқий қирғинчилиқлири һәққидә тохталғанлиқини билдүрди. У йәнә уйғурларниң бу зулумдин қутулуши үчүн һәр саһәниң қолидин келидиған барлиқ имканийәтләрни ишқа селишини, хәлқаралиқ чоң тәшкилатларниң бирлишип хитайға бесим қилиши керәкликини тәкитлигән.

Һамутхан көктүрк әпәнди уйғурлар дуч келиватқан нөвәттики еғир зулумларни түркийә хәлқигә давамлиқ аңлитишниң зөрүрлүкини, бу мәсилисини хәлққә аңлитишниң дини вә миллий мәҗбурийәт икәнликини тәкитлиди.

Пәрһат қурбан тәңритағлиниң билдүрүшичә, уйғурлар тоғрисида ечилған мәзкур йиғинға қатнашқучи түркләр асаслиқи «биз немә иш қилип берәләймиз? зади немә қилишимиз керәк?» дегәндәк соалларни көпрәк сориғанлиқини билдүрди. У өз сөзидә уйғурларға көңүл бөлгүчи барлиқ инсанларниң уйғур мәсилисини иҗтимаий таратқу вә хәлқаралиқ мәтбуатларда көпләп аңлитишқа ярдәм қилишини тәләп қилған.

Пикирләр (0)
Share
Толуқ бәт