«Қиран» патқаққа патқанда

Қиран сода чәклик ширкитиниң директори муһәммәд ели осман көзгә көрүнгән карханичи, мәрипәтпәрвәр, сахавәтчи бир уйғур, бир әр, бир мәсумға дада, қандақ болуп у бир «алдамчи», «қоймичи», «җинайәтчи» болуп қалди?
Мухбиримиз гүлчеһрә
2012-11-01
Елхәт
Пикир
Share
Принт
Қиран сода чәклик ширкитиниң директори муһәммәд ели осман шаңхәй дуня йәрмәнкисидә.
Қиран сода чәклик ширкитиниң директори муһәммәд ели осман шаңхәй дуня йәрмәнкисидә.
www.56.com

У қандақ болуп қанунғиму, әхлаққиму, муһими әқилгиму сиғмайдиған җинайәт патқиқиға петип қалиду? бу соаллар үчүн уйғур муназирә мәйданлирида мәйданға келиватқан охшимиған җаваблар, бир туруп кишини ечиндурса, бир туруп кишини әпсусландуриду. Муһәммәд елиниң қисмити кишиләрдә йәнә қандақ гуман һәм ойларни оттуриға чиқармақта?

Муһәммәд елигә кишиләр охшимайдиған баһаларни бәрмәктә.
‏«Қиран сода чәклик ширкитидә бир йил хизмәт қилиш җәрянида, муһәммәд елиниң кәсиптә интайин тиришчан, мәсулийәтчан роһи мени интайин тәсирләндүрди....» Бу, униң аяли амангүл әхтәмниң шинҗаң телевизийисидә йолдишиға бәргән баһаси.

«Мән бу ширкәттә хизмәт қилғили йерим йилдин ашти. Ишләш җәрянида директоримиз муһәммәд елиниң һәр қайси җәһәтләрдики йетәклиши вә ярдимидә, хизмәт муһитиға тездин маслишип, кәспий сәвийәм бәлгилик дәриҗидә өсти. Мән директор муһәммәд елиниң тиришчанлиқиға йеңилиқ яритиш роһиға һәқиқәтән қайил...» Бу, шаңхәй қиран ширкитидики хизмәтчи лю лилиниң өзиниң директориға бәргән баһаси.

Җуңго әрәб әллири мәдәнийәт алмаштуруш сода һәмкарлиқ җәмийити башлиқи ши йәнчүн униңға мундақ баһа бериду:
«Әмдила 33 яшқа киргән бир яшниң шинҗаңдин шаңхәйдәк бир чоң шәһәргә келип, ширкәт қуруп, мәзмут пут тирәп туруши асан әмәс, биз бундин кейин бу ғайилик яшниң җуңго билән әрәб әллири оттурисидики достлуқ, мәдәнийәт, сода қатарлиқ җәһәтләрдә көврүклүк ролини техиму җари қилдурушиға, шуниң билән биргә униң игиликиниң техиму гүллинишигә, гүзәл арзу-арманлириниң ишқа ешишиға тиләкдашмиз.»

Шинҗаң қанунчилиқ гезитиниң муһәммәд ели османниң җинайәт йолиға меңиши һәққидә елан қилған хәвиридә көрситилишичә, шаңхәй қиран сода чәклик ширкити дәсләпки қурулған йилида содида уч милйон йүән пайда тапқан. Шундин етибарән муһәммәд ели асаслиқ сода мәблиғини мусулманчә йемәкликләрни әрәб әллиригә експорт қилишқа салған. Һалбуки, 2010-йилидики әрәб баһари сиясий давалғушлири униң содисини зор зиянға учратқан. Арқидин шинҗиндики мәлум компютер запчаслири ширкитиниң алдамчилиқиға учрап йәнә 500 миң йүән зиян тартқан. Арқа-арқидин зиян тартқан муһәммәд ели йиқилай дегән игиликини қутулдуруш үчүн уйғур елиниң һәр қайси җайлирида паспорт вә виза беҗириш, чәтәлгә оқушқа чиқириш қатарлиқ намлар билән башқиларни алдап пул йиғишқа башлиған. Мушундақ қилип муһәммәд ели вә униң ширкити җинайәт патқиқиға петип қалған.

Муһәммәд елиниң қолға елинғанлиқини радиомиз программиси арқилиқ хәвәр тапқан аңлиғучилардин бири, японийидики уйғур паалийәтчи турмуһәммәдкә телефон қилип муһәммәд ели һәққидә шикайитини бизгә йәткүзүшни һавалә қилған.

Уларниң баяниға қариғанда, кейинки мәзгилләрдә муһәммәд ели шөһрәтпәрәслик вә әхлақсизлиқ биләнму нурғун кишиләрниң нәпритигә учриған.

Исмини ашкарилашни халимиған бу уйғурларниң баяниға қариғанда, илгири муһәммәд ели һәқиқәтән ронақ тапқан, йүз тапқан нурғун сахавәтлик ишларни қилған болсиму зиянға учриғандин кейин, кишиләр шикайәт қилғандәк нурғун уйғурларни алдиған зиянға учратқан икән.

Реаллиқ шуки, бир мәһәл даң чиқарған муһәммәд ели осман әмдиликтә катта хоҗайиндин җинайәтчигә айланди. Йүз абруйиға дағ чүшти. Униң америкиға келип оқуш чүшиму бәрбат болди. Униң ширкити вә өзи һәққидики ғайә-арзулири мана мушундақла көпүккә айланди. Униң қиран ширкити вәйран болди. Аилиси вәйран болди. Аяли вә балисиниң бойни қисилди. Униңдин зор үмидләрни күткән, униңға ишәнгән хәлқ ечинди....

Раст дегәндәк, бәзидә шөһрәтпәрәслик адәмниң еңини аҗизлаштуруп, өзигә йеқинлишип келиватқан хәтәрниму сәзмәс қилип қойса керәк.

Муһәммәд ели вә шуниңға охшиған, сода саһәсидики нурғун уйғур игилик тиклигүчи вә яш карханичиларниң зәпәр қучқан тәқдирдиму шанлиқ мусаписиниң узунға бармаслиқи, я вәйранлиққа яки чәтәлләргә сәрсанлиққа йүзлинишидәк трагедийиләр уйғурларни ечиндурмақта вә буниң сәвәблири һәққидә қайта ойландурмақта.

Пикирләр (1)
Share

Alex

Дин İstanbul

Atpurning tema yokluganda emeli ahwaldin yahxi havardar bolup andin yezixini ümüt kilimiz,siz dewatkan bu Adem burundin baxlapla bir karhanaqi bolmastin,hitayning bihatarlik organlirining halqisi,siz uni 3milion pul tapkam dep yezipsiz,men deymenki 3million emes,300ming pulnimu koymigangu deymen,mening buni yeziximda baxka mehset Yok ,xu temida yazganlirigizni Korup pakat qidimidim,bir galqaning bu kader yalgan yawidak sodiger kiyapitige kirivelip kilgan kılmixlirini inxa alla,kandı memlikitimiz ,bolgan hemen kattık jezaga tertimiz!mening bu deganlirimdin gumanlanmang ,men shanghaide. 6yıl turux jeryanida onining kandak bir galqa ikanlikini yahxi bilimem!

Nov 02, 2012 12:24 PM

Толуқ бәт