Һашим һаҗи теквандо мусабиқисидә алтун медалға еришти

Түркийиниң истанбул шәһиридә һәр йили чамбашчилар маһарәт көрситиш мусабиқиси өткүзүлүп кәлмәктә. Бу йилқи мусабиқә истанбул шәһәргә қарашлиқ сарийәр тәнтәрбийә залида өткүзүлигән болуп бу қетимқи мусабиқиға истанбул ‏- баһчилиәвләр тәнтәрбийә кулубиға вакаләтән һашим һаҗи исимлик бир уйғур қатнашти вә биринчи болуп алтун медалға еришти.
Мухбиримиз арслан
2009-04-24
Елхәт
Пикир
Share
Принт
Истанбул шәһәрлик баһчилиәвләр тәнтәрбийә кулубиниң теквандо түрдә мәшиқ қиливатқан уйғур чамбашчи һашим һаҗи әпәнди, мусабиқидә маһарәт көрситип 1 ‏- дәриҗилик мукапатқа еришти вә алтун медал алди.
Истанбул шәһәрлик баһчилиәвләр тәнтәрбийә кулубиниң теквандо түрдә мәшиқ қиливатқан уйғур чамбашчи һашим һаҗи әпәнди, мусабиқидә маһарәт көрситип 1 ‏- дәриҗилик мукапатқа еришти вә алтун медал алди.
RFA Photo / Arslan

Йеқинда истанбул яшлар чамбашчилиқ бирләшмиси кулубиниң уюштуруши билән 50 яштин йоқуридикиләр бойичә сарийәр тәнтәрбийә залида "истанбул теквандо ‏- чамбашчилиқ маһарәт көрситиш" мусабиқиси өткүзүлди. Бу мусабиқидә истанбул шәһәрлик баһчилиәвләр тәнтәрбийә кулубиниң тәкванду түрдә мәшиқ қиливатқан уйғур чамбашчи һашим һаҗи әпәнди мусабиқиға таллинип қатнашқан болуп, мусабиқидә маһарәт көрситип 1 ‏- дәриҗилик мукапатқа еришти вә алтун медал алди шуниң билән у чамбашичилар бойичә истанбул чимпййони дегән унванға еришти һәмдә түркийә дөләтлик тәнтәрбийә кулубиниң чамбашчилиқ мусабиқисиға қатнишиш салаһийитигә игә болди.

Һашим һаҗи әпәнди җапалиқ 4 йил мәшиқ қилиш арқилиқ чамбашчилиқ саһәсидә өзини йетиштүргән болуп бир қанчә қарарлиқ курусларни пүттүрүп 3 кулубтин айрим ‏- айрим һалда дәриҗиләр бойичә диплома алған.

У өткән йили уюштурулған мусабиқидә истанбул бойичә 2 ‏- дәриҗилик мукапатқа еришип көмүш медал алған вә түркийидә чамбашчилиқ саһәсидә дәрс өгитиш салаһийитигә игә болған вә түркийә тәнтәрбийә көлүбиниң чамбашчилиқ бөлүмидин дәрс өгитиш рохсәтнамиси алған. У һазир бир тәрәптин өзлүгидин мәшиқ қилип йәнә бир тәрәптин истанбул шәһәрлик баһчилиәвләр тәнтәрбийә кулубидә чамбашчилиқ саһәсидә дәрс өгитип кәлмәктә.

Һашим һаҗи бу қетимқи мусабиқида истанбул чимпийони болуш унванини алған вә түркийә дөләтлик чамбашчилиқ мусабиқисиға қатнишиш салаһийитигә игә болған. Әгәр у келәр йили өткүзилидиған түркийә чамбашчилар мусабиқисида йеңип биринчи дәриҗилик мукапатқа еришәлисә яврупа чамбашичилар чимпийонлуқ мусабиқисға қатнишиш салаһийитигә игә болидикән.

Һашим әпәнди бундин кейинки басқучларда, чапалиқ мәшиқ қилиш арқилиқ түркийәдә биринчи болуш үчүн тәйярлиқ қиливатқанлиқни түркийә чимпийони болупла қалмай тәдриҗи мәшиқ қилип яврупа чимпийони болуш арзуси барлиқини вә буниң үчүн тәйярлиқ қиливатқанлиқини билдүрди, у йәнә уйғур яшлириға чамбашчилиқни өгитишни халайдиғанлиқини билдүрди.

Биз бу һәқтә техиму көп мәлуматқа еришиш үчүн һашим әпәнди билән сөһбәт елип бардуқ.


Пикирләр (0)
Share
Толуқ бәт