Шаир абдухалиқ уйғур вә мәмтили тәвпиқниң туғулғанлиқиниң 110 ‏йиллиқи мунасивити билән хатириләш йиғини өткүзүлди

2011‏-Йили 10-айниң 22-күни уйғурларниң мәшһур шаирлиридин абдухалиқ уйғур вә мәмтили тәвпиқниң туғулғанлиқиниң 110 ‏йиллиқи мунасивити билән хатириләш йиғини өткүзүлди.
Ихтиярий мухбиримиз арслан
2011-10-24
Елхәт
Пикир
Share
Принт
Абдухалиқ уйғур вә мәмтили тәвпиқниң туғулғанлиқиниң 110 ‏йиллиқи мунасивити билән өткүзүлгән хатириләш йиғинида доктор алимҗан инайәт әпәнди ечилиш нутқи сөзлимәктә. 2011-Йили 22-өктәбир, истанбул.
Абдухалиқ уйғур вә мәмтили тәвпиқниң туғулғанлиқиниң 110 ‏йиллиқи мунасивити билән өткүзүлгән хатириләш йиғинида доктор алимҗан инайәт әпәнди ечилиш нутқи сөзлимәктә. 2011-Йили 22-өктәбир, истанбул.
RFA/Arslan

Истанбулниң зәйтинбурну районидики адилә мәрмәрҗи анадолу толуқ оттура мәктипиниң йиғин залида өткүзүлгән бу йиғин мәркизи истанбулға җайлашқан шәрқий түркистан вәхпи тәрипидин уюштурулған болуп, йиғинға түркийиниң әнқәрә, измир вә истанбул қатарлиқ шәһәрлиридә хизмәт қиливатқан уйғур доктор вә профессорлар тәклип билән қатнашти һәм мәрһум шаир абдухалиқ уйғур вә мәмтили тәвпиқ әпәндиләрниң һаят-паалийәтлири тоғрисида муһим сөз қилди. Йиғинға, шәрқий түркистан вәхпиниң идарә һәйәт рәһбәрлири, шәрқий түркистан маарип вә һәмкарлиқ җәмийити, шәрқий түркистан яшлар җәмийити, шәрқий түркистан сөйгү вә һәмкарлиқ җәмийити, шәрқий түркистан һәмкарлиқ җәмийити, уйғур академийиси, тәклимакан уйғур нәшрияти қатарлиқ аммиви тәшкилат вә җәмийәтләрниң мәсуллири һәм вәкиллири қатнашти.

Абдухалиқ уйғур вә мәмтили тәвпиқниң туғулғанлиқиниң 110 ‏йиллиқи мунасивити билән өткүзүлгән хатириләш йиғини көрүнүши. 2011-Йили 22-өктәбир, истанбул.
Абдухалиқ уйғур вә мәмтили тәвпиқниң туғулғанлиқиниң 110 ‏йиллиқи мунасивити билән өткүзүлгән хатириләш йиғини көрүнүши. 2011-Йили 22-өктәбир, истанбул. RFA/Arslan

Йиғинға йәнә истанбулда яшаватқан уйғурлар вә истанбулниң һәр қайси университетлирида оқуватқан уйғур оқуғучилардин көп санда киши иштирак қилди.

Йиғин шеһитләр үчүн һөрмәт билдүрүп бир минутлуқ сүкүттә туруш вә истиқлал марши оқуш билән башланди. Йиғинда шәрқий түркистан вәхпиниң рәиси илғар алип текин вә измир әге университети түрк дуняси тәтқиқат институтиниң оқутқучиси профессор доктор алимҗан инайәт әпәндиләр ечилиш нутқи сөзлиди.

Профессор алимҗан инайәт сөздә мундақ деди: абдухалиқ уйғур вә мәмтили тәвпиқ һазирқи заман уйғур әдәбияти вә уйғур маарип ақартиш һәрикитиниң йетәкчилиридин иди. Бири 1933-йили, йәнә бири 1937-йили хитай һакимийити тәрипидин шеһит қилинди. Улар шеһит қилинған вақтида техи яш вә чәбдәс йигитләр иди, улар қисқа һаятида нурғун ишларни қилди. Улар уйғур тили вә һазирқи заман уйғур әдәбияти шундақла уйғур миллий маарип һәрикити үчүн дәриҗидин ташқири күч сәрп қилди. Бу қәһриманлиримизни хатириләш, башқиларға әслитиш, һаят иш излирини өгиниш, тәтқиқ қилиш вә йеңи әвладларға өгитиш бизниң миллий вәзипилиримиздин бири һесаблиниду. Бүгүн бу йәргә шу мәқсәттә җәм болдуқ. Бу йиғинға қатнишиш билән чоң бир миллий вәзипини ада қилған болдуқ.

Йиғинда, түркийә бейкәнт университетиниң оқутқучиси доктор мәғпирәт камал ханим, «шаир абдухалиқ уйғур вә мәмтили тәвпиқ әпәндиниң һаят иш-излири» дегән темида, профессор алимҗан инайәт, «абдухалиқ уйғурниң милләтпәрвәрлик еңи» дегән темида сөз қилди.

Һаҗәтәппә университети тарих бөлүминиң оқутқучиси доктор әркин әкрәм әпәнди, абдухалиқ уйғур яшиған дәврдики уйғурларниң вәзийити тоғрисида сөз қилди. Йиғинда йәнә әнқәрә университети тил-әдәбият факултетиниң оқутқучиси доктор әркин әмәт «чағдаш уйғур әдәбияти» дегән темида, доктор алимҗан атавуллаһ вә доктор абдулһәмит авшар, шаир абдухалиқ уйғур вә мәмтили тәвпиқниң һаят-паалийәтлири тоғрисида сөз қилди.

Биз бу йиғин ахирлашқанда, йиғинни уюштурған шәрқий түркистан вәхпиниң рәиси илғар алиптекин әпәнди билән сөһбәт елип бардуқ.

Толуқ бәт