Сақчихана хадими: «йеңи йил һарписида 24 саәтлик чарлаш елип бериватимиз!»

Мухбиримиз қутлан
2015-12-31
Елхәт
Пикир
Share
Принт
Уйғур районида арқа-арқидин йүз бериватқан қаршилиқлардин кейин, хитай қораллиқ қисимлириниң уйғурлар олтурақлашқан районларда чарлаш елип бериватқан көрүнүш. 2013-Йили 29-июн, үрүмчи.
Уйғур районида арқа-арқидин йүз бериватқан қаршилиқлардин кейин, хитай қораллиқ қисимлириниң уйғурлар олтурақлашқан районларда чарлаш елип бериватқан көрүнүш. 2013-Йили 29-июн, үрүмчи.
AFP

Уйғур елидин игилигән учурлардин мәлум болушичә, йеңи йил һарписида даириләрниң җәнубтики вилайәт вә наһийәләргә қаратқан аталмиш «муқимлиқ» тәдбирлири пәвқуладдә күчәймәктикән.

Пүткүл инсанийәт миладийә календаридин 2015-йилини узитип, 2016-йилини күтүвелиш алдида турған мушу пәйтләрдә уйғур елидики сақчихана хадимлири билән асасий қатлам кадирлириниң өз тәвәликидә 24 саәтлик «чарлаш» елип бериватқанлиқи диққәт қозғимақта.

Хотәнниң гума наһийәсигә қарашлиқ мокойла йезилиқ сақчихана хадимлири радиомиз зияритини қобул қилғанда, өзлириниң йеңи йил һарписидин ибарәт бу пәвқуладдә җиддий пәйттә «24 саәтлик нөвәтчилик» тә туруватқанлиқини билдүрди.

Мокойла сақчиханисиниң ашкарилишичә, нөвәттә тәвәликтики кәнт вә мәһәллиләргә қарита елип берилидиған кечилик «чарлаш» адәттә 3 гуруппа мәсул хадимларниң һәмкарлишиши билән елип берилидикән. Йәни йезилиқ сақчихана хадимлири, кәнттә турушлуқ бир нәпәр мәсул сақчи вә 3 нәпәр ярдәмчи сақчи шундақла һәр бир кәнттә 10 нәпәрдин тәшкил қилинған «хәлқ әскири» (минбиң) бирлишип кечилик чарлаш елип баридикән. «Чарлаш» ниң муһим нуқтиси тәвәликтики йәрлик аһалиләрни тәкшүрүш билән бир вақитта йәнә сирттин кәлгән «гуманлиқ кишиләр» ниң бар-йоқлуқини тинтишқиму қаритилған икән.

Сақчихана хадимлири йәнә «кечилик омумий чарлаш» ахирлашқандин кейин күндүздә һәр бир мәһәллидин «5 аилини нуқта қилип мәхсус чарлаш» елип баридиғанлиқини илгири сүрди. Уларниң билдүрүшичә, күндә 5 аилини таллап нөвәт бойичә тәкшүрүш иши сақчиханиларниң күндилик иш күнтәртипиниң бир қисми икән.

Биз хотәндики бу әһвалниң башқа вилайәт вә наһийәләрдә бар-йоқлуқини билип беқиш үчүн ақсуниң ават наһийәсидики асасий қатлам кадирлири билән сөзлишишкә тириштуқ.

Ават наһийәсиниң мәлум йезисиға «муқимлиқ» сақлаш үчүн «төвәнгә чүшкән» бир кадир зияритимизни қобул қилди.

Униң билдүрүшичә, сақчиханиларниң күндә елип баридиған омумйүзлүк «чарлаш» хизмитидин башқа, кәнттики асасий қатлам кадирлири, йәни кәнт мәсуллири, «муқимлиқ» кадирлири һәмдә аталмиш «вәтәнпәрвәр диний затлар» бирликтә «диний әсәбийлик» дәп қаралған һәрқандақ диний паалийәтләргә «көз-қулақ» болидикән.

Тәпсилатини аваз улиништин аңлиғайсиз.

Пикирләр (0)
Share
Толуқ бәт