D u q yawropa parlaméntidiki "Uyghur dostluq guruppisi" ni heriketlendürmekte

Ixtiyariy muxbirimiz ekrem
2019-01-09
Élxet
Pikir
Share
Print
D u q re'isi dolqun eysa(ongda), "Ilham toxti guruppisi" re'isi enwerjan(solda) ependiler we wakaletsiz milletler teshkilati xadimi lusiya parruchi xanim yawropa parlaménti ezasi tomas zhikowskiy ependi bilen xatire sürette. 2019-Yili 9-yanwar, biryussél, bélgiye.
D u q re'isi dolqun eysa(ongda), "Ilham toxti guruppisi" re'isi enwerjan(solda) ependiler we wakaletsiz milletler teshkilati xadimi lusiya parruchi xanim yawropa parlaménti ezasi tomas zhikowskiy ependi bilen xatire sürette. 2019-Yili 9-yanwar, biryussél, bélgiye.
RFA/Ekrem

Dunya Uyghur qurultiyi jaza lagérlirigha qarshi yawropa parlaméntidiki "Uyghur dostluq guruppisi" ni heriketke keltürmekte.

D u q re'isi dolqun eysa we "Ilham toxti guruppisi" ning re'isi enwerjan ependilerning 8-yanwar bashlan'ghan yawropa parlaméntidiki pa'aliyetliri dawam qiliwatqan bolup, bélgiye paytexti biryusséldin bergen melumatlirigha asaslan'ghanda bügün ular yene bir qisim parlamént ezaliri bilen söhbetler élip barghan. Ular yawropa parlaménttiki "Uyghur dostluq guruppisi" ning ezaliri bilen yawropa parlaméntida jaza lagérlirigha qarshi pa'aliyetlerni qanat yaydurushning chare-tedbirliri üstide muzakirileshken. Dolqun eysa ependi bu heqte bizni bezi uchurlar bilen teminlidi.

"Ilham toxti guruppisi" ning re'isi enwerjan ependining bildürüshiche, yawropa parlaméntidiki "Uyghur dostluq guruppisi" ning bezi ezaliri xitay türmisidiki Uyghur öktichi ziyaliysi ilham toxtini "Nobél tinchliq mukapati" gha namzat körsitishke yardem qilmaqchi bolghan.

"Wakaletsiz milletler teshkilati" (UNPO) ning xadimi lusiye xanimmu yawropa parlaméntidiki bu uchrishishlarda qurultay rehberlirige hemrah bolghan bolup, u bügünki parlamént ezaliri bilen élip bérilghan söhbetlerning asasiy témisining jaza lagérliri mesilisi bolghanliqini tilgha aldi.

U mundaq dédi: "Hemmimizge melum bolghinidek, yawropa parlaménti Uyghurlar mesilisi toghriliq 15 maddiliq bir qararni qobul qilghan. Bu ötken yilqi ish. Bu yilmu yawropa parlaméntidin mushundaq ijabiy netijilerni royapqa chiqirishqa tirishishimiz lazim. Mushu meqsette dolqun eysa ependi bashliq bir guruppa wekiller bügün d u q gha wakaliten yawropa parlaméntining bir qisim muhim erbablirini ziyaret qilip, jaza lagérliridiki milyonlighan Uyghurlarni qutuldurushning chare-tedbirliri üstide muzakiriler élip barduq. Buning netijisini kéyin körimiz."

Dolqun eysa ependi sözide yawropa parlaméntidiki "Uyghur dostluq guruppisi" ning rolidin ünümlük paydilinip, 2019-yili xitayning jaza lagérlirini öz ichige alghan kishilik hoquq depsendichilikliri we medeniyet qirghinchiliqlirigha qarshi yawropa ittipaqida kölimi zor heriketlerni qozghashning d u q ning nöwettiki muhim pilanlirining biri ikenlikini tilgha aldi.

D u q re'isining bildürüshiche, yawropa parlaméntidiki "Uyghur dostluq guruppisi" 2017-yili 19-öktebir qurulghan bolup, bu guruppigha eza 10 din artuq parlamént ezasi Uyghurlar mesilisining yawropa ittipaqida küntertipke kélishide zor rol oynighan. Bolupmu jaza lagérliri mesilisi otturigha chiqqandin kéyin, ular pa'al heriket qilip, yawropa ittipaqining buninggha qarita keskin inkas bildürüshini qolgha keltürüsh üchün zor tirishchanliq körsetken. Netijide ötken yili 27-iyun b d t kishilik hoquq kéngishining 38-nöwetlik yighinida bulghariye wekili yawropa ittipaqigha wakaliten tunji qétim jaza lagérliri mesilisini otturigha qoyghan. Arqidinla 18-séntebir b d t kishilik hoquq kéngishining 39-nöwetlik yighinida yene awstriye yawropa ittipaqigha wakaliten 2-qétim jaza lagérliri mesilisini otturigha qoyghan. Ötken yili 4-öktebir yawropa parlaménti sitrasburgda chaqirilghan 700 din artuq parlamént ezasi qatnashqan omumiy yighinda jaza lagérliri mesilisini öz ichige alghan Uyghurlargha a'it 15 maddiliq bir qarar qobul qilip, xitay hökümitidin jaza lagérlirini derhal taqashni telep qilghan.

Toluq bet