Б. Нурланоф: қирғизистанни хитайниң өлкисигә айлинип қалмаслиқ үчүн агаһландурди

Нөвәттә, хитайниң оттура асиядики җумһурийәтләрдә хитай тили оқутуш һәм хитай тилини йейишни күчәйтиш үчүн көп тиришчанлиқ көрситиватқанлиқи мәлум.
Мухбиримиз үмидвар
2012-10-29
Елхәт
Пикир
Share
Принт

Хитай һөкүмити хитай тили вә хитай мәдәнийитини тарқитиш үчүн дуняниң көплигән мәмликәтлиридә, җүмлидин оттура асия җумһурийәтлиридә «куңзи институти» қуруп, бу дөләтләрдә хитай тили өгитишкә мәбләғ аҗратмақта, оттура асия мәмликәтлиридики милләтпәрвәр гуруппилар бу әһвалдин нарази болуп өз һөкүмәтлирини әйиблимәктә, йеқинда русийидә тарқитилидиған «оттура асия» учур вә анализ торида қирғизистанлиқ мутәхәссис б. Нурланофниң «бишкәк хитай өлкисигә айлинамду?» сәрләвһилик мақалиси елан қилинди.

Апторниң тәкитлишичә, йеқинда қирғизистанниң муавин баш министири гулнара асимбекова қирғизистанда хитай тили оқутушни күчәйтишни оттуриға қоюп, хитай тилини кичикидин тартип өгитиш лазимлиқини билдүргән. Мақалидә көрситилишичә, қирғизистан-хитай университети қуруш, хитай тилида йәсли вә мәктәпләрни қуруш мәсилилири музакирә қилинған.

Аптор һазир хитайниң қирғизистанға көрситиватқан иқтисади тәсири вә башқиларни җүмлидин хитай тили оқутуш тәшәббуслирини миссал қилиш арқилиқ «қирғизистан пат йеқинда хитай хәлқ җумһурийитиниң бир аптоном областиға айлинип қалидиғандәк қилиду» дәп көрсәткән.

Нурланоф әпәнди мақалисидә йәнә, қирғизистан һөкүмитини агаһландуруп, «һөкүмитимиз қирғизистанниң йәнә бир чоң дөләтниң өлкисигә айлинишиға йол қоймаслиқи лазим, чүнки бизниң совет иттипақиниң йимирилиши билән мустәқиллиққә еришишимиз асанға чүшмиди» дәп тәкитлигән.

Пикирләр (1)
Share

Sama

Qirghizistanliqlarning beshi ishship qalmighandu, u yerde "Shinjangche qoshtil mektipi" achqili?!

Jan 20, 2013 04:37 AM

Толуқ бәт