Özbékistan qirghizistan'gha gaz teminleshni toxtitip qoyghan

Qirghizistan xelqi ishlitidighan tebi'iy gazning mutleq köp qisimi özbékistan arqiliq teminlinidu. Her yili qerz süylesh munasiwiti bilen gaz bilen teminleshni toxtitish arqiliq qirghizistan'gha bésim körsitish da'im tekrarlinip turmaqta.
Muxbirimiz ümidwar
2009-10-04
Élxet
Pikir
Share
Print

Xewerlerdin qarighanda, yéqinda özbékistan hökümiti qirghizistanning jenubidiki osh wilayitini gaz bilen teminleshni toxtitip qoyghan hemde qirghizistanning shimalidiki jaylargha yetküzülidighan gazlarni 30% qisqartqan. Buningdiki seweb qirghizistanning özbékistan'gha töleshke tégishlik bolghan 19 milyon dollar gaz qerzini tölimigenlikidin ibaret iken.

Özbékistan qoshna osh wilayitige gaz bilen teminleshni toxtitip qoyghandin kéyin, ahalilarning turmushigha we ashxana tijaretchilirining sodilirigha éghir qiyinchiliqlar peyda bolghan. Tashkent terep, eger qerzi tölenmise, gaz bilen teminleshning eslige keltürülmeydighanliqini bildürgen.

Osh hökümiti puqralarning tölimigen gaz pulini yighish herikiti bashlighan bolup, téz arida özbékistan terepning qerzlirini töliwétishke tirishmaqta iken.

Özbékistan gaz bahasini östürgen bolup, ötken yili her ming kubmétir gazni 145 dollargha satqan bolsa, bu yil 240 dollargha chiqarghan. Bishkek da'iriliri bolsa tashkenttin bu bahani chüshürüsh üchün heriket qilmaqta iken.

Nöwette, özbékistanning zor miqdarda tebi'iy gazlirini rusiyige sétiwatqanliqi melum. Özbékistan yene xitay bilenmu kélishim tüzgen. Eger bu ehwal dawamlashsa, qirghizistanning yuqiri bahada gaz sétiwélishqa mejbur bolidighanliqi melum iken.

Toluq bet