Австралийәдә өткүзүлгән 8-нөвәтлик шәрқий түркистан лоңқиси путбол мусабиқиси мувәппәқийәтлик аяғлашти

Ихтиярий мухбирмиз абидә
2014-12-29
Елхәт
Пикир
Share
Принт
Австралийәдә өткүзүлгән 8-нөвәтлик шәрқий түркистан лоңқиси путбол мусабиқисиниң ечилиш мурасими. 2014-Йили декабир, адилайд.
Австралийәдә өткүзүлгән 8-нөвәтлик шәрқий түркистан лоңқиси путбол мусабиқисиниң ечилиш мурасими. 2014-Йили декабир, адилайд.
RFA/Abide

8-Нөвәтлик шәрқий түркистан лоңқиси путбол мусабиқиси австиралийәниң адилайд шәһиридә елип берилди. Мусабиқә йиллардикидәк шәрқий түркистан дөләт марши вә шәрқий түркистан австралийә җәмийитиниң рәиси абдулғафур мөмин әпәнди, шәрқий түркистан австралийә җәмийитиниң катипи нурмуһәммәт түркистан әпәндиләрниң тәбрик сөзлири билән тәнтәнилик башланди.

Үч күн давамлашқан бу мусабиқидә қаттиқ иссиған һава мусабиқигә қатнашқан әзимәтләрни тәвритәлмиди. Мусабиқә тамашибинларниң мәдәт тилигән авазлири билән интайин кәскин вә җушқун һаләттә давамлашти.

Мусабиқиниң йипилиш мурасимида нурмуһәммәт түркистани әпәнди сөз қилди һәм мусабиқә нәтиҗилирини елан қилди. Үч күн давамлашқан кәскин бу мусабиқидә адилайд командиси биринчи, милбурин командиси иккинчи, седний командиси үчинчиликкә еришти.

Бу қетимлиқ мусабиқиниң актип қатнашқучилиридин бири болған, йирақ пөрс шәһиридин кәлгән иляр мусабиқидин кийин зияритимизни қобул қилип өз көңүл сөзлирини изһар қилди.

Шәрқий түркистан австралийә җәмийитиниң катипи нурмуһәммәт түркистан әпәнди бу мусабиқә әһмийити һәққидә тохтилип өтти һәм мусабиқигә қатнашқан, 3 күнлүк мусабиқә үчүн, маһирлар, путбол мәстанилири үчүн һәрхил тамақлар тәйярлиған «тәңритағ анилар гурупписи» дики җапакәш ханим-қизларға алаһидә рәһмәтләр ейтти.

Мусабиқини ғәлибилик түгәткән маһирлар буниңдин кейин өткүзүлидиған мусабиқиләрдә өзлириниң техиму көп маһарәтлирини көрситип өз хәлқини, чоңларни вә кичикләрни илһамландуридиғанлиқини билдүрди.

Пикирләр (0)
Share
Толуқ бәт