Rabiye qadir xanim yéngi yil munasiwiti bilen pütün dunyadiki Uyghurlargha salam yollidi

Muxbirimiz qutlan
2014-01-01
Élxet
Pikir
Share
Print
Uyghur milliy herikitining rehbiri rabiye qadir xanim  dunya Uyghur qurultiyining yighinida sözlimekte. 2011-Yili may, washin'gton.
Uyghur milliy herikitining rehbiri rabiye qadir xanim dunya Uyghur qurultiyining yighinida sözlimekte. 2011-Yili may, washin'gton.
RFA

2013-Yili Uyghur xelqi üchün untulghusiz bir yil boldi.

Uyghur élidiki we sirtidiki Uyghur xelqi tinchliq, erkinlik we tereqqiyat üchün pütün dunya xelqi bilen birge zor tirishchanliqlarni körsetti. Shuning bilen bir waqitta, künsayin küchiyiwatqan xitay kommunist réjimining qattiq bésimi astida öz mewjutluqi üchün éghir bedellerni töleshke mejbur boldi.

Pütün dunya tinchliq, hemkarliq we tereqqiyatqa bolghan omumiy keypiyat ichide kona bir yilni uzitip, yéngi yilni kütüwalghan peytlerde, Uyghur élida arqa-arqidin qanliq weqeler yüz berdi. Siyasiy jehettiki chetleshtürülüsh, diniy étiqad jehettiki bésim we medeniyet jehettiki mejburiy éritilish rayondiki asasliq yerlik ahale bolghan Uyghurlarni pütün millet gewdisi bilen öz mewjutluqi heqqide keskin oylinishqa mejburlidi. 2009-Yilidiki "5-Iyul weqesi" din kéyin siyasiy weziyiti barghanséri jiddiyliship bériwatqan Uyghur éli tibet bilen birge xitayning milliy siyasitidiki "Saqaymas yarisi" ni ashkara qildi.

2014-Yili kirish munasiwiti bilen Uyghur milliy herikitining rehbiri, dunya Uyghur qurultiyining re'isi rabiye qadir xanim pütün dunyadiki Uyghur xelqige yéngi yilliq salam yollidi.

Rabiye xanim aldi bilen öz nami we dunya Uyghur qurultiyi rehberlik hey'itining namidin Uyghur élidiki we sirtidiki Uyghur jama'etchilikining yéngi yilini tebriklidi. Pütün dunyadiki Uyghurlarni tinch-ittipaqliqqa, qérindashlarche ömlükke we milliy mes'uliyet tuyghusini téximu kücheytishke chaqirdi. Ulargha xatirjemlik we muweppeqiyetler tilidi.

Rabiye xanim yéqinqi bir aydin buyan Uyghur élida yüz bergen qanliq toqunushlar we rayondiki kündin-kün'ge jiddiylishiwatqan weziyet heqqide jiddiy yighin chaqirghanliqini tekitlidi. U yéngi yil harpisida dunya Uyghur qurultiyining rehberlik hey'iti bilen ötküzgen jiddiy téléfon yighini we mezkur yighinda muzakire qilin'ghan muhim mesililer heqqide melumat berdi.

Axirida, rabiye xanim özining pütün dunyadiki Uyghur jama'etchilikining 2014-yiligha bolghan tilekliri we ümidlirini otturigha qoydi.

Tepsilatini awaz ulinishtin anglighaysiz.

Toluq bet