Shiwétsiyediki Uyghur perzentler ana tilini puxta igilimekte

Ixtiyariy muxbirimiz ihsan
2015-02-25
Élxet
Pikir
Share
Print
Shiwétsiyediki mehmut qeshqiri ana til mektipi
Shiwétsiyediki mehmut qeshqiri ana til mektipi
RFA/Ihsan


Ana tilini saqlap qélish, öz kimlikini saqlap qélish ikenlikini chüshen'gen muhajirettiki Uyghur ata - anilar perzentlirini terbiyileshke ehmiyet bérip, a'ilide Uyghur tili ishlitish, Uyghurche kitab oqush, Uyghurche kartonlarni körüshke shara'it hazirlap bérish bilen birge, özlirining tewelikidiki Uyghurche oqutush merkezlirige aprip bérip séstimiliq halda terbiyilinishige ehmiyet bermekte.

Uyghurlarning shiwitsiyege yerleshkenlikige 15yildin ashti. Shiwétsiyede yashawatqan Uyghurlarmu perzentlirini ana tili bilen terbiyileshke alahide ehmiyet bérip kelmekte. Uyghurlarning bu jehettiki éhtiyajini toluqlash meqsitide shiwétisyede pa'aliyet qiliwatqan Uyghur ma'arip uyushmisining yitekchilikide 2007 - yili shiwétsiyede royxetke élinip qurulghan mehmut qeshqiri ana til mektipi, ilghar médi'a wasitilirining yardimi bilen, oqughuchilargha dersini téximu obrazliq, janliq oqutush muhiti yaritip, balilarning xaraktérigha mas wasitiler arqiliq ularning ana tilgha bolghan qiziqishini oyghitish hemde weten sirtidiki muhitta bolsimu ularni öz ana tilda mukemmel sewiyige yitip, öz tili we kimlikini qoghdash rohigha ige qilip terbiyileshni nishan qildi.

Bu mektepte hazir 20 neper Uyghur perzent oquydighan bolup, 5 yashtin 6 yashqiche balilar bir guruppa, 7 yashtin 8 yashqiche balilar birguruppa bolup ders ötülmekte.

Balilargha asasliq qilip ana til sawadi, islam asasliri, exlaq, jughrapiye, tarix qatarliq penlerdin dersler ötülidu.

Derslerni bolsa Uyghur diyarida aliy mekteplerni putturgen, kespige pishshiq, tejribisi mol bolghan xanim qizlar ötidiken.

Shiwétsiyediki ata - anilar perzentliri üchün waqit we shara'it hazirlap bérishi arqisda perzentlirining ana tilni oqush, yézish, sözlesh jehetlerde rawan ipadileshliri hemmeylenni söyündurmekte.

Biz dunya ana tilini qoghdash küni munasiwiti bilen shiwétsiyede qurulghan mehmut qeshqiri mektipide oquwatqan bir qisim Uyghur balilirini ziyaret qilduq.

Ziyaritimizni qobul qilghan Uyghur balilar sorighan so'allirimizgha rawan jawab bérish bilen birge, Uyghurche shé'ir we yazmilarni oqup berdi.

Toluq bet