Лондонда уйғурлар тоғрисида доклат бериш йиғини өткүзүлди

Ихтиярий мухбиримиз әркин тарим
2020-02-21
Елхәт
Пикир
Share
Принт
Әнглийә пайтәхти лондондики ләйкәстер университетида өткүзүлгән уйғурлар тоғрисидики доклат бериш йиғинидин кейин хатирә сүрәт. 2020-Йили 18-феврал.
Әнглийә пайтәхти лондондики ләйкәстер университетида өткүзүлгән уйғурлар тоғрисидики доклат бериш йиғинидин кейин хатирә сүрәт. 2020-Йили 18-феврал.
RFA/Erkin Tarim

18-Феврал күни әнглийә пайтәхти лондондики ләйкәстер университетида уйғурлар тоғрисида доклат бериш йиғини өткүзүлди.

Ләйкәстер университети билән хәлқара кәчүрүм тәшкилати бирликтә уюштурған доклат бериш йиғинида дуня уйғур қурултийиниң лондондики вәкили рәһимә мәхмут ханим уйғурларниң тарихи, һазирқи еғир вәзийити тоғрисида доклат бәргән.

Доклат бериш йиғиниға мәзкур университетниң оқутқучи вә оқуғучилиридин болуп көп санда киши иштирак қилған. Рәһимә мәхмут ханим бу йиғин һәққидә қисқичә мәлумат бәрди.

Йеқинқи йиллардин буян башқа дөләтләрдә болғинидәк әнглийәдики университетлар вә алий мәктәп оқуғучилириниң уйғур мәсилисигә болған қизиқиши күнсайин күчәйгән.

Рәһимә мәхмут ханим әнглийәдики алий мәктәпләрдә өткүзүлгән уйғурлар темисидики йиғинларда асаслиқи «хитай немә үчүн уйғурларға бунчивала еғир зулум сиясити йүргүзиду, биз уйғурлар үчүн немиләрни қилип берәләймиз?» дегән темиларда соалларниң оттуриға қоюлуватқанлиқини баян қилип өтти.

Рәһимә мәхмут ханимниң илгири сүрүшичә, лондондики ләйкәстәр университетида өткүзүлгән доклат бериш йиғинида у уйғурларниң тарихи тоғрисида қисқичә мәлумат бәргән. Андин 1949-йили коммунист хитай уйғур диярини бесивалғандин буянқи тарихий җәрянлар тоғрисида мәлумат бәргән.

Доклат бериш йиғининиң ахирқи қисми соал-җаваб шәклидә өткүзүлгән болуп, йиғин әһли нуқтилиқ һалда униңдин хитай хәлқи уйғурларға һесдашлиқ қиламду? әнглийә уйғурлар үчүн немә қилип берәләйду, дегәндәк соалларни сориған. Раһимә мәхмут ханим бу тоғрилиқму тохтилип өтти.

Раһимә мәхмут ханим лондондики ләйикәстер университетида өткүзүлгән вә 2 саәт давамлашқан бу доклат бериш йиғиниға нурғун оқуғучиларниң қатнашқанлиқини, уларниң уйғур мәсилисигә болған қизиқишиниң юқири икәнликини тәкитләп өтти.

Мәзкур доклат бериш йиғиниға қатнашқан университет оқуғучиси роса чәрнева өз тәсиратини мундақ баян қилди: «бу доклат бериш йиғиниға көп санда кишиләр қатнишипту. Доклат бериш йиғини 2-3 саәт давамлашти. Рәһимә мәхмут ханим наһайити тәсирлик доклат бәрди. Уйғурларниң һазирқи еғир вәзийитини аңлиғандин кейин мениң уйғурларға бәкму ичим ағриди. Кейин бундин кейин уйғурлар үчүн бир ишларни қилиш нийитигә кәлдим.»

Дуня уйғур қурултийиниң рәиси долқун әйса әпәнди 2019-йили 24-июл күни әнглийә парламентида уюштурулған «уйғурларниң диний вәзийити вә җаза лагерлири тоғрисида гуваһлиқ бериш» йиғиниға қатнашқан иди. 24-Июл күни әнглийә парламентида гуваһлиқ бериш йиғини уюштурулуш билән бир вақитта йәнә йиғин хатимисидә «барлиқ партийә вәкиллириниң аваз қошуши» билән «уйғур достлуқ гурупписи» қурулған иди. Раһимә мәхмут ханимниң ейтишичә, 2019-йили ичидә әнглийәдә уйғурлар тоғрисида көп санда доклат бериш йиғини вә намайишлар болуп өткән.

Пикирләр (0)
Share
Толуқ бәт