"Uyghur edliyesi arxip ambiri" jaza lagérliri toghrisida guwahliq bérishni qolaylashturdi

Ixtiyariy muxbirimiz ekrem
2020-06-08
Élxet
Pikir
Share
Print
Uyghur edliye arxip ambiri sehipisi.
Uyghur edliye arxip ambiri sehipisi.
RFA/Ekrem

Muhajirettiki Uyghurlarning jaza lagérliri toghrisida her jayda bergen guwahliqliri bir sehipige mujessem qilindi.

Merkizi norwégiyede bolghan "Uyghur edliyesi arxip ambiri" muhajirettiki Uyghurlarning guwahliq bérish ishlirini asanlashturush we qulayliq yaritip bérish üchün 4-iyundin bashlap "Uyghur edliyesi arxip ambiri" namliq yéngi tor sehipisini ammigha échiwetken.

"Uyghur edliyesi arxip ambiri" ning mes'uli bextiyar ömer ependining bergen melumatlirigha asaslan'ghanda, xitayning jaza lagérlirida qérindashliri bolghan muhajirettiki Uyghurlar bu tor sehipiside téximu erkin guwahliq bérish pursitige érishidiken we uning ichide özige mensup bolghan ayrim bir sehipe turghuzup öz arxiplirini saqlaydighan, yéngilaydighan, tarqitidighan xas arxip ambiri quralaydiken. Shuning bilen birge dunyaning herqaysi jaylirida bérilgen her xil guwahliq matériyalliri toplinip mezkur sehipige mujessem qilin'ghan bolup, kishiler bu jaydin barliq guwahliq arxipliridin paydilinish imkanigha na'il bolidiken.

Bextiyar ömer ependi "Uyghur edliyesi arxip ambiri" tor sehipisi toghrisida toxtalghanda, bu sehipige jem bolghan arxiplarning qimmetlik höjjet xaraktérige ige ikenlikini tilgha aldi. Norwégiyediki Uyghur ziyaliysi semet abla ependimu guwahliqning ehmiyiti we qimmiti toghrisida öz qarashlirini izhar qilip ötti.

"Uyghur edliyesi arxip ambiri" 2019-yilidin hazirgha qeder yazma shekildiki, awazliq yaki sin körünishi tüsini alghan 6 mingdin artuq guwahliq matériyallirini toplighan. Bu matériyallar d u q arqiliq b d t, yawropa ittipaqi, bezi döletlerning hökümetliri, kishilik hoquq komitétliri qatarliq organlargha tapshurulghan. D u q re'isi dolqun eysa ependi bu heqte toxtalghanda, "Uyghur edliyesi arxip ambiri" toplighan bu matériyallarning xelq'ara siyasiy sehnilerde muhim höjjetlik rolini ötigenlikini tilgha aldi. U sözide bu matériyallarning bügün üchünla emes, belki kélechekte téximu zor qimmetke ige bolidighanliqini tekitlidi.

Bextiyar ömer ependi bu xususta toxtalghanda lagér shahitliri we her sahe guwahliq bergüchilerning oxshash bolmighan menbelerdiki pütün matériyallirini bir sehipige jem qilishning tolimu japaliq bir xizmet bolghanliqini, Uyghur jama'iti, mutexessisler hem siyasiy aktiplarning emdi bu höjjetlerdin paydilinishi üchün zor qulayliq bir imkan yaritilghanliqini eskertti.

Toluq bet