«Уйғур әдлийәси архип амбири» җаза лагерлири тоғрисида гуваһлиқ беришни қолайлаштурди

Ихтиярий мухбиримиз әкрәм
2020-06-08
Елхәт
Пикир
Share
Принт
Уйғур әдлийә архип амбири сәһиписи.
Уйғур әдлийә архип амбири сәһиписи.
RFA/Ekrem

Муһаҗирәттики уйғурларниң җаза лагерлири тоғрисида һәр җайда бәргән гуваһлиқлири бир сәһипигә муҗәссәм қилинди.

Мәркизи норвегийәдә болған «уйғур әдлийәси архип амбири» муһаҗирәттики уйғурларниң гуваһлиқ бериш ишлирини асанлаштуруш вә қулайлиқ яритип бериш үчүн 4-июндин башлап «уйғур әдлийәси архип амбири» намлиқ йеңи тор сәһиписини аммиға ечивәткән.

«Уйғур әдлийәси архип амбири» ниң мәсули бәхтияр өмәр әпәндиниң бәргән мәлуматлириға асасланғанда, хитайниң җаза лагерлирида қериндашлири болған муһаҗирәттики уйғурлар бу тор сәһиписидә техиму әркин гуваһлиқ бериш пурситигә еришидикән вә униң ичидә өзигә мәнсуп болған айрим бир сәһипә турғузуп өз архиплирини сақлайдиған, йеңилайдиған, тарқитидиған хас архип амбири қуралайдикән. Шуниң билән биргә дуняниң һәрқайси җайлирида берилгән һәр хил гуваһлиқ материяллири топлинип мәзкур сәһипигә муҗәссәм қилинған болуп, кишиләр бу җайдин барлиқ гуваһлиқ архиплиридин пайдилиниш имканиға наил болидикән.

Бәхтияр өмәр әпәнди «уйғур әдлийәси архип амбири» тор сәһиписи тоғрисида тохталғанда, бу сәһипигә җәм болған архипларниң қиммәтлик һөҗҗәт характеригә игә икәнликини тилға алди. Норвегийәдики уйғур зиялийси сәмәт абла әпәндиму гуваһлиқниң әһмийити вә қиммити тоғрисида өз қарашлирини изһар қилип өтти.

«Уйғур әдлийәси архип амбири» 2019-йилидин һазирға қәдәр язма шәкилдики, авазлиқ яки син көрүниши түсини алған 6 миңдин артуқ гуваһлиқ материяллирини топлиған. Бу материяллар д у қ арқилиқ б д т, явропа иттипақи, бәзи дөләтләрниң һөкүмәтлири, кишилик һоқуқ комитетлири қатарлиқ органларға тапшурулған. Д у қ рәиси долқун әйса әпәнди бу һәқтә тохталғанда, «уйғур әдлийәси архип амбири» топлиған бу материялларниң хәлқара сиясий сәһниләрдә муһим һөҗҗәтлик ролини өтигәнликини тилға алди. У сөзидә бу материялларниң бүгүн үчүнла әмәс, бәлки келәчәктә техиму зор қиммәткә игә болидиғанлиқини тәкитлиди.

Бәхтияр өмәр әпәнди бу хусуста тохталғанда лагер шаһитлири вә һәр саһә гуваһлиқ бәргүчиләрниң охшаш болмиған мәнбәләрдики пүтүн материяллирини бир сәһипигә җәм қилишниң толиму җапалиқ бир хизмәт болғанлиқини, уйғур җамаити, мутәхәссисләр һәм сиясий актипларниң әмди бу һөҗҗәтләрдин пайдилиниши үчүн зор қулайлиқ бир имкан яритилғанлиқини әскәртти.

Пикирләр (0)
Share
Толуқ бәт