Meshhur lagér süritidiki bireylenning qash téshi sodigiri éli'axun qari ikenliki ashkarilandi

Muxbirimiz shöhret hoshur
2019-04-29
Élxet
Pikir
Share
Print
Meshhur lagér süritidiki tutqunlardin birining qash téshi sodigiri éli'axun qari ikenliki delillendi.
Meshhur lagér süritidiki tutqunlardin birining qash téshi sodigiri éli'axun qari ikenliki delillendi.
Social Media

Meshhur lagér süriti, yeni lop nahiyelik "Terbiyelesh merkizi" ning yighin meydanidin tartiwélin'ghan sürettiki 3‏-rette olturghan kishilerdin birining qash téshi sodigiri, wezipisiz diniy zat éli'axun qari ikenliki ashkarilandi. Éli'axun qarini süritidin tonuwalghan ikki neper lopluq muhajir uning ilgiri xotende diniy sahede etrapliq telim alghanliqi, qashtéshi tijariti bilen shughullinip yaxshi köp tapqanliqi we kishilerni xeyr-saxawet ishlirigha yétekligenliki heqqide guwahliq berdi.

Melum bolushiche, meshhur lagér süritidin tonuwélin'ghan kishilerdin éli'axun qari lop nahiye dol yéza 5‏-kenttin bolup, u etrapliq diniy melumati, qash téshi sodisidiki utuqliri, kichik ammiwi sorunlardiki wez-nesihetliri, bolupmu xeyr-saxawet ishliridiki aktipliqi we bashlamchiliqi bilen loptiki el ichide tonulghan we hörmet tapqan bir kishi iken. Guwahchilarning déyishiche, u jem'iyette xitaygha qarshi héchqandaq söz we heriketlerde bolmighan, emma öz milliti we mehelle jama'itige qarita her waqit tégishlik bir mes'uliyetchanliq tuyghusini namayan qilip kelgen iken.

Ilgiriki éniqlashlirimizdin melum bolushiche, xitay da'iriliri 2000‏-yillardin bashlap diniy melumatliq kishilerni "Nuqtiliq kishiler" qatarigha kirgüzüp, izchil teqib astigha alghan. Bolupmu 2010‏-yillardin kéyin wezipisiz diniy zatlarni "Yawa axunlar" dep atap, her qétimliq dolqun xaraktérlik siyasiy heriketlerde zerbe nishani qilghan. 2014‏-Yili "Zenjirsiman qattiq zerbe bérish" dolquni bashlan'ghanda sabiq mehbus we gumandarlarmu yighiwélinip zerbe bérilgen. 2017 ‏-Yili yighiwélish lagérliri tesis qilin'ghanda Uyghur jem'iyitide közge körün'gen sodigerler, bolupmu xeyr-saxawetchiler lagérning nuqtiliq tutqun obyéktlirining birige aylan'ghan.

Melum bolushiche, éli'axun qarim yuqiriqi zerbe nishani we tutqun obyékti shertlirining hemmisigila chüshidighan kimlik sahibi bolup, uning tutulushigha yuqiriqilardin biri yaki hemmisining seweb bolghanliqi hazirche éniq emes.

Toluq bet