Almas nizamidinning apisi zulpiye xanim qurban héytta lagérdin 3 kün qoyup bérilgen

2019-08-15
Élxet
Pikir
Share
Print
Almas nizamidin we ayali büzeynep abdureshit.
Almas nizamidin we ayali büzeynep abdureshit.
RFA/Mehriban

Awstraliyediki Uyghur muhajir almas nizamidinning ayali buzeynep abduréshit 2017-yili misirdin Uyghur élige qaytqinida 7 yilliq qamaq jazasigha höküm qilin'ghan. Apisi zulpiye jalalidin amérikagha kélip oghlini yoqlap, 2017 yili 11-ayda ürümchige qaytqan. Emma u qaytip bérishigha 2018-yili yanwarda tutqun qilin'ghan.

Shundin buyan almas nizamidin we uning amérikadiki dadisi jür'et nizamidin waqtini we zéhnini xitay türmisidiki buzeynep bilen zulpiye xanimgha erkinlik yoli izdeshke qaratqan idi.

Amérikadiki jür'et nizamidin ependi 12-awghust özining féysbuk bétige "Lagérdiki ayalim bilen ikki oghlum téléfonlashti" dep uchur tarqatqan idi. Uningda xitay hökümitining lagérgha ekiriwalghan ayali zulpiye xanimni qurban héyt munasiwiti bilen üch künlük qoyup bérip, ata-anisini körüshke chiqarghanliqi, oghli almas bilen izmuratning qurban héyt küni apisi bilen téléfonda körüshkenliki yézilghan.

Biz bu munasiwet bilen zulpiye xanimning oghli almas bilen téléfon söhbiti élip barduq. 

Zulpiye xanim lagérgha qamalghan 20 ayliq hayatini téléfonda mundaq uqturghan "Men terbiyelinip yaxshi bir ayal, yaxshi ana boldum. Hökümetke rehmet, bu mektepni yéqinda püttürüp chiqishim mumkin. Yaxshi oqunglar, oqushni toxtatmanglar, silerning öginish netijenglar méning eng chong xushalliqim. . ."

Ular téléfonda mundaq sözleshken: 

‏Almas: siz bir yaxshi ana, yaxshi oqutquchi idingiz apa, terbiyelinishingizning héch hajiti yoq idi. . . 

‏Zulpiye: undaq déme, balam, öginish menggülük téma, men bu yerde nurghun bilimlerni öginiwaldim, choqum idiyisi saghlam adem bolushimiz kérek. Oqushungni yaxshi oqu, uyaq-buyaqqa tola chapma, sen dégen yaxshi bala. . . 

Bu yil 51 yashqa kirgen, zulpiye xanim aliy derijilik oqutquchi unwanigha ige bolup, ürümchi sheherlik 2-ottura mektepning matématika oqutquchisi iken.

Toluq bet