دۇنياۋى ۋابا - كورونا ۋىرۇسىنىڭ تارقىلىش ئەھۋالى

2020-03-11
ئېلخەت
پىكىر
Share
پرىنت
دۇنياۋى ۋابا - كورونا ۋىرۇسىنىڭ تارقىلىش ئەھۋالى
دۇنياۋى ۋابا - كورونا ۋىرۇسىنىڭ تارقىلىش ئەھۋالى
Photo: RFA

تۈركىيەدە ئوقۇۋاتقان ئوقۇغۇچى زۆھرە ئابدۇمېجىتنىڭ 19 يىللىق كېسىۋېتىلگەن 25 ياشلىق نەۋرە ئاچىسى نىگارە ئابدۇش
بۇ يىلنىڭ بېشىدا ئىجتىمائىي تاراتقۇلاردا غۇلجادىكى لاگېردا تۇتۇپ تۇرۇلۇۋاتقان 25 ياشلىق نىگارە ئابدۇشۈكۈر بىلەن ئانىسى مەرھابانىڭ 19 يىللىقتىن كېسىۋېتىلگەنلىكى ھەققىدە ئۇلارنىڭ چەتئەلدىكى ئائىلە تاۋابىئاتلىرى تەرىپىدىن 4 خىل تىلدا گۇۋاھلىق باياناتى ئېلان قىلىنغان ئىدى. مۇخبىرىمىزنىڭ ئىككى ئايدىن ئارتۇق ئېلىپ بارغان ئېنىقلاشلىرى داۋامىدا نىگارە ۋە ئانىسىنىڭ كېسىۋېتىلگەنلىكى دەلىللەندى. نۆۋەتتە مەھبۇس نىگارە ئابدۇشۈكۈرنىڭ غۇلجا شەھەرىدىكى يېڭىھايات تۈرمىسىدە جازا مۇددىتىنى ئۆتەۋاتقانلىقى ئىلگىرى سۈرۈلمەكتە.

تۈركىيەدە ئوقۇۋاتقان ئوقۇغۇچى زۆھرە ئابدۇمېجىتنىڭ ئۇيغۇرچە، تۈركچە، ئىنگىلىزچە ۋە ئەرەبچە 4 خىل تىلدا بەرگەن گۇۋاھلىق باياناتىدا دېيىلىشىچە، 25 ياشلىق نەۋرە ئاچىسى نىگارە ئابدۇشۈكۈر بىلەن 53 ياشلىق چوڭئاپىسى مەرھابا 2017 ‏-يىلى28 ‏-نويابىردا تۇتقۇن قىلىنغان ۋە لاگېرغا ئەكىتىلگەن. ئۇلار 2018 ‏-يىلنىڭ ئاخىرى 19 يىللىقتىن كېسىۋېتىلگەن. باياناتتىن مەلۇم بولۇشىچە، نىگارە ۋە ئانىسى غۇلجا شەھىرىدىكى دۆڭمەھەللىگە نوپۇسلۇق ئىكەن.

بىز غۇلجا شەھەرلىك ئەدلىيە ئىدارىسى تەمىنلىگەن تېلېفون نومۇرلىرىغا ئاساسەن دۆمەھەللىدىكى مەلۇم بىر ئاھالىلەر رايونى ساقچى خادىمىدىن مەلۇمات سورىدۇق. بۇ خادىم ئۆزى مەسئۇل بولغان تەۋەلىكتە 19 يىللىقتىن كېسىلگەن بۇ خىل كىملىكتىكى كىشىلەرنىڭ يوق ئىكەنلىكىنى ئېيتتى.

نىگارە ئابدۇشۈكۈر ۋە ئانىسى مەرھابا ھەققىدە ئىجتىمائىي تاراتقۇلاردا يېقىنقى ئىككى ئايدا كۆپ قېتىملاپ ئۇچۇرلار تارقالغان ۋە گۇۋاھلىق باياناتلىرى بېرىلگەن. نىگارەنىڭ گېرمانىيەدىكى ئۇرۇق-تۇغقانلىرىدىن گۈلزىرە تاشمەمەتنىڭ فېيسبۇكىدا بايان قىلىنىشىچە، نىگارە شىنجاڭ پېداگوگىكا ئونىۋېرسىتېتىنى2017 ‏-يىلى7 ‏-ئايدا پۈتتۈرگەن. ئانا تىلىدىن باشقا خىتايچە ۋە ئىنگىلىزچىنىمۇ پۇختا بىلگەن نىگارە ئابدۇشۈكۈر ئىش كۈتۈپ تۇرغان مەزگىلىدە ئاتالمىش «كەسپىي تەربىيە» گە ئېلىپ كېتىلگەن.

پىكىرلەر (0)
Share
تولۇق بەت