Уйғур яшлирини демократийә билимлири билән тәрбийиләш курси истанбулда башланди

Ихтиярий мухбиримиз әркин тарим
2018-07-13
Елхәт
Пикир
Share
Принт
16-Нөвәтлик уйғур яшлирини демократийә вә кишилик һоқуқ билимлири билән тәрбийиләш курсидин бир көрүнүш. 2018-Йили 13-июл. Истанбул, түркийә.
16-Нөвәтлик уйғур яшлирини демократийә вә кишилик һоқуқ билимлири билән тәрбийиләш курсидин бир көрүнүш. 2018-Йили 13-июл. Истанбул, түркийә.
RFA/Erkin Tarim

16-Нөвәтлик уйғур яшлирини демократийә вә кишилик һоқуқ билимлири билән тәрбийиләш курси истанбулда башланди. Курсниң ечилиш мурасимиға дуня уйғур қурултийиниң муавин рәиси доктор әркин әкрәм әпәнди, истанбулдики шәрқий түркистан тәшкилатлар мунбири рәиси һидайәт оғузхан әпәнди, д у қ иҗраийә һәйити рәиси өмәр қанат әпәнди, шәрқий түркистан өлималар бирлики рәиси доктор атавулла шаһяр әпәнди вә әйса йүсүп алиптекин вәхпи рәиси өмәр қул әпәндиләр қатнашти һәм сөз қилди. Курсқа түркийәниң һәрқайси университетлирида оқуватқан 40 әтрапида оқуғучи иштирак қилмақта. Курс 13-июл күни йиғин шәрқий түркистанниң истиқлал марши билән башланди.

Доктор әркин әкрәм әпәнди 16-нөвәтлик уйғур яшларни тәрбийиләш курсини ечиштики мәқсәт вә әһмийити һәққидә тохталди. Өмәр қанат әпәнди уйғур яшлирини тәрбийиләш курсини истанбулда ечиштики мәқсити һәққидә тохталди. 13-Июл күнидики курс ахирлашқандин кейин микрофонимизни курс әһлигә узаттуқ. Германийәдин кәлгән д у қ хадими шәһризат ғәйрәт ханим соалимизға җаваб бәрди. 

Арқидин әнқәрә университети оқуғучиси алий имин, кастамону университети оқуғучиси сүбинур өмәр, абликим әхмәт вә сәйпулла қатарлиқ оқуғучиларға микрофонимизни узаттуқ. 

13-Июл күнидин 15-июл күнигичә давамлишидиған паалийәттә «шәрқий түркистан тарихи», «шәрқий түркистанниң һазирқи әһвалиға нәзәр», «шималий америкидики уйғур дәвасидин мәлумат», «хәлқаралиқ уйғур инсан һәқлирини қоғдаш тиришчанлиқимизға омумий нәзәр», «муһаҗирәттики уйғур миллий һәрикәтниң хәлқара муһитқа маслишиши вә миллий һәрикәтниң истратегийилик қәдәм басқучлири тоғрисида» дегән темилар муһакимә қилинмақчи вә гуруппилар музакириси өткүзүлмәкчи. 

Уйғур яшлирини демократийә вә кишилик һоқуқлири билән тәрбийиләш курси бурун америка, германийә, шиветсийә, шветсарийә, белгийә, норвегийә қатарлиқ дөләтләрдә ечилған иди.

Пикирләр (0)
Share
Толуқ бәт