Хитай дөләт шеирини ядлашқа мәҗбурланған турсун абләт йәкәндә есилип өлүвалған

Мухбиримиз шөһрәт һошур
2018-01-31
Елхәт
Пикир
Share
Принт
Қучақтики балиси билән «йепиқ тәрбийәләш» орнидики ерини йоқлашқа кәлгән аял.
Қучақтики балиси билән «йепиқ тәрбийәләш» орнидики ерини йоқлашқа кәлгән аял.
AP

4 Күндин бери муһаҗирәттики уйғур торбәтлиридә йәкәндә бир чоң иш чиққанлиқи һәққидә учур тарқалди. Мухбиримизниң бу йип учиға асасән ениқлашлири давамида йәкән наһийисидә турсун абләт исимлик бир кишиниң хитай дөләт шеири оқушқа мәҗбурланғанлиқи үчүн өзини өлтүрүвалғанлиқи ашкариланди. Дело һәққидики тәкшүрүшкә қатнашқан йәкән наһийә том өстәң йезилиқ сақчихана хадиминиң мухбиримизға ашкарилишичә, вәқә 28‏-январ, йәни йәкшәнбә күни әтигән саәт 9:00 ларда йүз бәргән. Турсун абләт өлүвелиштин бир күн аввал аялиға хитай дөләт шеирини ядлашта қийниливатқанлиқи вә буниңға мәҗбурлиниватқанлиқи һәққидә шикайәт қилған.

Иҗтимаий таратқуларда тарқалған мәзкур учурда дейилишичә, вәқә йәкән наһийисидә йүз бәргән. Вәқәдә адәм өлүш вә ярилиниш болған. Учурда вәқәниң сәвәби ениқ дейилмигән, әмма пәрәз сүпитидә әрлири «тәрбийиләш» кә әкетилгән аялларниң топлишип һөкүмәт алдиға барғанлиқи вә «тәрбийиләш» тики аилә-тавабиатлирини қоюп беришни тәләп қилғанлиқи, сақчиларниң әһвални бир тәрәп қилиш давамида зораванлиқ қилип қан төккәнлики илгири сүрүлгән.

Биз учурни дәлилләш үчүн алди билән қәшқәр вилайәтлик вә йәкән наһийилик аяллар бирләшмисигә телефон қилдуқ. Һәр икки органдики хадимлар йәкәндә вәқә чиққанлиқини рәт қилди. Телефонимиз йәкән наһийисиниң томөстәң сақчиханисиға бағланғанда, йәкән базирида 28‏-январ күни әтигәндә бир вәқә чиққанлиқи дәлилләнди. Ашкарилинишичә, йәкән наһийә коча башқармиси бағ һойла аһалиләр комитетида олтурушлуқ 40 яшлардики турсун абләт сиясий өгиниш йиғинлирида дөләт шеирини ядлаш вәзиписини ада қилалмиғанлиқи вә буниңға қаттиқ мәҗбурланғанлиқи үчүн есилип өзини өлтүрүвалған.

Иҗтимаий таратқуларда йәкәндә вәқә чиққанлиқи һәққидики хәвәрниң вақти билән турсун абләтниң өзини өлтүрүвелиш вәқәси вақит җәһәттин өз-ара мас кәлсиму, әмма учурда дейилгән вәқә билән радийомиз дәлиллигән бу вәқәниң бир вәқә яки әмәслики һазирчә мәлум әмәс.

Пикирләр (0)
Share
Толуқ бәт