Хаданиң оғли: «һөкүмәт бизгә яшаш имканийити бәрмәйватиду»

Ихтиярий мухбиримиз һаҗи қутлуқ қадири
2014-12-31
Елхәт
Пикир
Share
Принт
Моңғул кишилик һоқуқ паалийәтчиси хада аилисидикиләр билән биллә
Моңғул кишилик һоқуқ паалийәтчиси хада аилисидикиләр билән биллә
RFA/Haji Qutluq Qadiri


Моңғул кишилик һоқуқ паалийәтчиси хада 9 - декабир 19 йиллиқ қамақ җазасини тамамлап, хитай түрмисидин қоюп берилгән болсиму, әмма сақчи даирилири назаритини күчәйтип,униң барлиқ һәрикәтлиригә чәк қоюп, чәтәл мухбирлириниң зияритини қобул қилишини чәклигән шундақла униң аилә телефони түрлүк тосалғуларға учрап. Сирт билән алақилишиш мумкин болмиған, һәтта оғли вуреңениң сиртқа чиқип ишлишиму чәкләнгән. Аилә әзалири иқтисадий җәһәттин зор қийинчилиқларға учриған шундақла хаданиң саламәтлики күндин - күнгә начарлишип кәткән.

Биз бүгүн, хада әпәнди билән телефон сөһбити елип бардуқ. Зияритимизни қобул қилған хада бизниң:«сиз түрмидин чиққандин кейин, һөкүмәт сизгә иқтисадий җәһәттә ярдәмдә боливатамду?» дегән соалимизға саламәтликиниң начарлиқи сәвәбидин җаваб берәлмәй оғли вуреңе соаллимизға җаваб бәрди:

- Атам он нәччә йиллиқ түрмә һаяти җәрянида әстә сақлаш қабилийитини асасән йоқатқан болуп, у, бәзидә сиз сориған соалларға дәрһал җаваб қайтуралмайду. Анам торда җәмийәткә ашкарилиниғинидәк, атам түрмидин қоюп берилгини билән һөкүмәт бизниң пүткүл нормал һәрикәтлиримизгә чәк қоюп, бизгә иқтисадий җәһәттин ярдәмдә болуш әмәс, бәлки өзимиз қанунлуқ ечиватқан китабханимизда тиҗарәт қилишимизға йол қоймиди. Немә үчүндур даириләр тиҗаритимизни қанунсиз һәрикәт дәп һесаблиди. Һәтта мениң сиртқа чиқип ишлишимгиму рухсәт бәрмәйватиду. Мән төт йил җәрянида нурғунлиған ширкәтләрдә яхши ишлигән болсамму, әмма көпинчә ширкәтләр мени хизмәттин дәрһал тохтитип қойди. Сәвәби һөкүмәт даирилири ширкәтләргә бесим қилип мени хизмәттин чиқириветишни буйриди. Улар һазир бизгә турмуш ярдәм пулиму бәрмәйватиду. Даириләрниң ейтишичә, анам билән иккимизниң гунаһи атамниң әһвалини җәмийәткә тәшвиқ қилғанлиқимиз икән. Улар бизни қаттиқ контроллуқ астиға елип өзлиригә маслишишимизни җекиләватиду. Һөкүмәт пәқәтла бизгә яшаш имканийити бәрмәйватиду.

Моңғул кишилик һоқуқ паалийәтчиси хаданиң оғли вуреңе сөзидә атиси түрмидин қоюп берилгәндин кейин һөкүмәт даирилири униңға бир йүрүш өй бәргәнликини билдүрүп мундақ деди:

- Һөкүмәт аилиликләр бинасидин үч еғизлиқ өй бәрди. Өй шараити яхши, илгири даириләр бизгә турмушқа керәклик болған тоңлатқу, дохопка, исситқу қатарлиқ үскүнләрни тәминләп бәрмәкчи болған болсиму, кейин бу һәқтә сөз ачмиди. Сәвәби даириләр атамни чәтәл мухбирлириниң зияритини қобул қилди дәп рәнҗиди.

Хаданиң оғли бизниң «һазир сиз, сиртқа чиқип ишлисиңиз, даириләр рухсәт қиламду?» дегән соалимизға җаваб берип мундақ деди:

- Һазир мениң өйдин сиртқа чиқип ишлишимгә рухсәт йоқ. Өткәндә бир ширкәттин иш тапқан идим. Атам мухбирларниң зияритини қобул қилғанлиқи сәвәбидин болса керәк,ширкәт мени дәрһал иштин бошитивәтти.

Зияритимиз җәрянида хаданиң оғли анисиниң саламәтлики һәққидә тохтилип:

- Сиз билмәйсиз. Анамниң саламәтлик әһвали яхши әмәс. Атам он нәччә йиллиқ түрмә һаяти җәрянида саламәтлики начарлишип, нервиси аҗизлишип кәткәнликтин нормал адәмләрдин көп пәрқлиқ. Немә үчүндур у, түрмидин чиққандин кейин анамниң өзигә йеқинлашмаслиқини вә өйгә кәлмәсликини халайдиған болуп қалди. Бу хил әһвал анамни бәк чөчүтивәтти, - деди.

У сөзидә, һөкүмәт даирилириниң атисиниң телефонини контрол қилип, униң мухбирларниң зияритини қобул қилишини тосуп, җәмийәттә «хаданиң саламәтлик әһвали яхши» дегән ялған тәшвиқатни елип бериватқан болсиму, әмәлийәттә униң саламәтликиниң толиму начарлишип кәткәнликини ейтти.

Вуреңе йәнә, ички моңғул аптоном районлуқ җамаәт хәвипсизлик назаритиниң: «хаданиң оғли вә аяли һазир җәмийәттики бир қисим кишиләрдин пул топлаватиду» дегән сөзни тарқатқанлиқи сәвәбидин, районлуқ сақчихана вә шундақла бәзи бир назарәтчи хадимларниң өзлиригә болған көзитишни күчәйтивәткәнликини билдүрди.

Юқириқи улиништин тәпсилатини аңлаң.

Пикирләр (0)
Share
Толуқ бәт