Лөкчүн вәқәси паш болуп қелип бәлгиләнгән муддәттин бурун елип берилған

Ихтиярий мухбиримиз арслан
2014-12-31
Елхәт
Пикир
Share
Принт
Һуҗумға учриған пичан наһийисиниң лүкчүн базири сақчи понкити. 2013-Йили 26-июн.
Һуҗумға учриған пичан наһийисиниң лүкчүн базири сақчи понкити. 2013-Йили 26-июн.
t2.qpic.cn/mblogpic


Хитай вә бир қисим хәлқаралиқ ахбаратларниң хәвәр қилишичә, 2013 - йили 26 - июн әтигән саәт 06:00 әтрапида турпан вилайитиниң пичан наһийиси лүкчүн базирида, сақчихана вә йәрлик һөкүмәт бинаси шундақла бир қурулуш орниға һуҗум қилиш вәқәси йүз берип 27 адәм қаза қилғанлиқи билдүрүлгән иди. Шу қетимқи пичақлиқ һуҗум қилиш вәқәсида, һуҗумчилар сақчи вә аманлиқ хадимидин 9, пуқрадин 8ни өлтүргән, 3 кишини яриландурған, сақчилар һуҗумчилардин 10 кишини нәқ мәйданда етип өлтүрүп 3 ни қолға алғанлиқи, һуҗумчилардин йәнә бир қанчиси қечип кәткәнлики билдүрүлгән иди.

Бу вәқә тоғрисида йеқинда чәтәлгә чиққан бир уйғур бу вәқә тоғрисида исмини ашкарилимаслиқ шәрти билән радиомиз мухбириға сөз бәрди.

Бу кишиниң билдүрүшичә, шу вәқә йүз бериштин илгири 32 кишидин тәркип тапқан бир гуруппа уйғур яшлар һуҗум тәйярлиқи елип бериватқанда, уларниң арисидин малийә ишларға мәсул әхмәт нияз сидиқ дегән яш нурғун пул билән сақчиларға тутулуп қалған вә бу әһвалдин хәвәр тапқан бу гуруппа паш болуп қалғанлиқини билип, бәлгиләнгән муддәттин бурун һәрикәт қилғанлиқи ашкара болди.

Симини ашкарилашни халимиған бу кишиниң билдүрүшичә, у яшлар 32 кишидин тәркип тапқан болуп, 16 кишиликтин икки гуруппиға бөлүнүп һәрикәт башлиған, биринчи гуруппа сақчи идарисиға һуҗум қилғандин кейин, иккинчи гуруппа һуҗумға өткән, базарлиқ һөкүмәт бинасиға һуҗум қилип дәрвазини ачалмай у йәрдә оққа тутулған.

Лөкчүн вәқәсидә сақчи идарисиға һуҗум қилған пидаийлар алди билән өзлириниң өлүп кетидиғанлиқини билип намаз оқуған вә биринчи гуруппа һуҗумда өлүп кәткәндин кейин 2 - гуруппиниң һуҗумға өтүшини орунлаштурған. Биринчи гуруппа чақмақ тизликидә һәрикәт қилип 7 минут ичидә сақчи идарисини қамал қилған вә 10 дин артуқ аптомобилға от қоюп ишни тамамлиған вә у йәрдин чиқип йезилиқ һөкүмәт бинасиға һуҗум қилған.

Бу вәқәдә 4 уйғур өлтүрүлгән болуп, буларниң бәзиси сақчи икән, бәзилири вәқәни паш қилиш үчүн телефун қиливатқанда һуҗумчилар тәрипидин өлтүрүлгәнләр икән. Вәқәни яхши билидиған бу шаһитниң билдүрүшичә, бу уйғурларни вәқә йүз бәргән райондин узақлап кетишкә агаһландурған болсиму, улар рәт қилип пидаийларға вақириған вә телефун қилишқа урунғанда чепип өлтүривәткән икән.

Пидаийлар сақчи идарисиға һуҗум қилғанда, сақчилар қоралсиз болуп, қораллар бар ишханиға қулуп селинған, ачқучи сақчи башлиқида икән. У сақчи башлиқи хитай қорқуп кетип иккинчи қәвәттин атлап қечип кәткән. Шуниң билән қорални алалмиған сақчилар һуҗумчилар тәрипидин өлтүрүлгән болуп, бу вәқәдә 9 сақчи өлтүрүлгәнлики билдүрүлгән иди.

Пикирләр (0)
Share
Толуқ бәт