Heptilik xewerler (17-awghusttin 23-awghustqiche)

Muxbirimiz qutlan
2019-08-23
Élxet
Pikir
Share
Print
hepte-0823-tor-maqate.jpg
hepte-0823-tor-maqate.jpg
Photo: RFA

Uyghur diyaridiki yéza-kentlerning yerlik namliri özgertilmektiken

Igilishimizche, xoten wilayitining qaraqash nahiyesige qarashliq bir qisim kentlerning tarixtin buyan qollinilip kéliwatqan eslidiki yerlik namliri özgertilmektiken.

Radiyomizgha kelgen inkaslardin melum bolushiche, bu yil 1-aydin bashlap qaraqash nahiyesining yawa yézisigha qarashliq qedimiy kentlerdin bazarboyi kentining nami "Qizil bayraq" qa, petighil kentining nami "Bext" ke özgertilgen. Da'iriler bu yil 3-ayda mezkur kentlerge panus ésip nam özgertish murasimi ötküzgen.

Qaraqash nahiyesining yawa yézisiki yerlik kent kadirliri radiyomizning bu heqtiki ziyaritini qobul qilip, mezkur ikki kentning eslidiki namlirining özgertilgenlikini delillidi.

Lagérdin chiqqan 3 parche salam xet erkin dunyagha ashkarilandi

Yaponiyede yashawatqan Uyghur muherremning lagérdiki tughqanliridin öyige chiqirilghan 3 parche salam xetni dunyagha ashkarilishi küchlük ghulghula qozghidi.

Melum bolushiche, yaponiyediki muherrem muhemmet'eli 2018-yilining axiri taghisi arqiliq süretke tartip ewetilgen 3 parche salam xetni tapshurup alghan. Bu salam xetler uning lagérgha qamalghan bowisi, momisi we taghisi teripidin yézilghan bolup, lagérlarning ichki qismidiki zulumlarni bilishte muhim yazma uchur hésablinidiken.

Muherrem bu xetlerni delil süpitide taratqulargha ashkara qilip, özining lagérgha qamalghan on nechche tughqini heqqide guwahliq bergendin kéyin, xitay da'irilirining bu yil 20-iyulda uning turpandiki yene bir taghisi abduraxman memetni tutqun qilghanliqi melum boldi.

Sérikjan bilash'oghli: "Shertlik qoyup bérilishim heqliq küresh yolidin chékin'genlikimni körsetmeydu"

Qazaqistanda 5 aydin buyan mirzaqamaqqa élin'ghan "Ata yurt pida'iyliri" teshkilatining yétekchisi sérikjan bilash'oghli üstidin 16-awghust küni almutada sot échilip, shertlik qoyup bérilgen.

Igilinishiche, qazaqistan teptish da'iriliri teripidin "Milliy öchmenlikke qutratquluq qilish" we "Qanunsiz teshkilat qurush" dégen jinayetler bilen eyiblinip, 7 yilliq qamaqqa késilishi ilgiri sürülgen sérikjan bilash'oghli mezkur sotta 7 yilghiche teshkilat ishlirigha arilashmasliq, xitaygha qarshi söz qilmasliq sherti bilen qoyup bérilgen.

Sérikjan bilash'oghli bu munasiwet bilen radiyomiz ziyaritini qobul qilip, "Shertlik qoyup bérilishim bundin kéyinki heqliq küresh yolidin chékin'genlikimdin dérek bermeydu," dédi.

Xitay üchün jan pidaliq bilen ishligen siyasiy komissar ablikim ghopur qamaqqa élin'ghan

Melum bolushiche, 2008-yili xitayda ötküzülgen olimpik tenheriket musabiqisi mezgilide kuchada yüz bergen qarshiliq heriketlirini basturushta aktip rol alghan we mukapatlan'ghan kucha nahiyelik j. X. Idarisining siyasiy komissari ablikim ghopur ötken yili 6-ayda tutqun qilin'ghan.

Kuchadiki saqchi xadimliri radiyomizning bu heqtiki ziyaritini qobul qilip, ablikim ghopurning tutqunda ikenlikini delillidi.

Ablikim ghopurni yaxshi bilidighan shiwétsariyediki kuchaliq muhajirlardin hebibulla xaliq radiyomiz ziyaritini qobul qilip, ablikim ghopurning wezipidiki mezgilide kucha xelqini qan yighlatqanliqini, 2008-yili kuchada yüz bergen saqchixanigha hujum qilish herikitide yüzi köyüp yarilan'ghan ablikim ghopurni xitay hökümitining shangxeyde dawalitip, yanpishining térisini yüzige köchürüp saqaytqanliqini bildürdi.

Qeshqerdiki 2-doxturxanining tashqi késeller doxturi sayithaji 2 yildin buyan tutqunda iken

Doxtur sayithaji qasim qeshqer 2-doxturxana tashqi késeller bölümining mudir wirachi bolup, u 2017-yil 9-ayning 4-küni saqchilar teripidin élip kétilgendin buyan hazirghiche héchqandaq iz-dériki bolmighan.

Sayithajining chet'elde yashawatqan yéqin tonushliri radiyomizgha uchur bérip, uning qeshqer tewesidila emes, belki pütkül jenubiy Uyghur diyarida süydük yolidiki tashni chüshürüsh opératsiyesi boyiche nami chiqqan doxtur ikenlikini bildürdi.

Qeshqer 2-doxturxanidiki xadimlar radiyomizning bu heqtiki téléfonini qobul qilip, sayithajining mezkur doxturxanining mutexessisler tizimlikidin ismi öchürülgenlikini, uning "Öginishte" ikenlikini ashkarilidi.

Sabiq milliy armiye jengchisi abdukérim kerimof qirghizistanda wapat boldi

1944-1949-Yilliridiki sheqiy türkistan jumhuriyitining milliy armiyeside wezipe ötigen sabiq jengchi abdukerim kerimof qirghizistanning toqmaq shehiride 100 yéshida alemdin ötken.

1919-Yili qeshqerde tughulghan abdukerim kerimof 1944-yili ilida inqilab partlighanda pida'iylar sépide ghuljini azad qilish urushigha we milliy armiyening shimalgha yürüsh frontida altayni azad qilish urushlirigha qatnashqan iken.

U 1962-yili xitayning bésimi tüpeyli sowétlar ittipaqigha köchüp chiqqan bolup, kéyinki hayatida qirghizistandiki Uyghurlarning jama'etlik ishlirida aktip rol oynighan iken. Abdukérim kerimofning wapatidin kéyin qirghizistanda sabiq milliy armiye jengchiliridin eng axirqi 3 neper kishi qalghan.

Toluq bet