D u q: "Amérika prézidéntining 'Uyghur kishilik hoquq siyasiti qanun layihesi' ge imza qoyghanliqi tarixiy hadisidur"

Ixtiyariy muxbirimiz ekrem
2020-06-18
Élxet
Pikir
Share
Print
Amérika prézidénti donald trumpning "Uyghur kishilik hoquq siyasiti qanun layihesi" ge imza qoyushi munasiwiti bilen d u q 17-iyun élan qilghan axbarat. 2020-Yili iyun.
Amérika prézidénti donald trumpning "Uyghur kishilik hoquq siyasiti qanun layihesi" ge imza qoyushi munasiwiti bilen d u q 17-iyun élan qilghan axbarat. 2020-Yili iyun.
RFA/Ekrem

17-Iyun amérika prézidénti trampning "Uyghur kishilik hoquq siyasiti qanun layihesi" ge imza qoyghanliq xewiri élan qilin'ghandin kéyin muhajirettiki Uyghurlar ijtima'iy taratqularda her xil shekillerde özlirining shatliqlirini ipade qilishti. D u q mu shu künila axbarat élan qilip, bu xosh xewerni tebrikligen.

D u q re'isi dolqun eysa ependi bu heqte toxtalghanda aldi bilen bu qanunni imzalighan amérika prézidénti we buning üchün küch chiqarghan amérikaning barliq dölet erbablirigha bolghan teshekkürlirini izhar qilip ötti. U sözide bu qanunning baldurraq testiqlinishi üchün hesse qatqan pütkül xelq'araliq teshkilatlargha we Uyghur siyasiy aktiplirigha rehmetlirini bildürdi. Dolqun eysa ependi yene mezkur qanunning xitayning türlük zulumliri seweblik ümidsizlikke patqan Uyghurlargha zor ümidler bexsh etkenlikini eskertti.

D u q ning sabiq re'isi, péshqedem siyasiy erbablardin erkin alptekin ependimu bu heqte ipade bildürüp, "Uyghur kishilik hoquq siyasiti qanun layihesi" ning testiqlan'ghanliqini qizghin tebriklidi.

D u q ning mu'awin re'isi perhat muhemmidi ependi "Uyghur kishilik hoquq siyasiti qanun layihesi" ning amérika prézidéntining testiqidin ötkenlikini "Zor tarixiy hadise" dep atidi hemde buning Uyghurlar tarixida barliqqa kelgen tunji emeliy küchi bolghan bir qanun ikenlikini, köpligen gherb démokratik döletliri uzundin buyan Uyghurlargha hésdashliq qilip kelgen bolsimu, xitaygha bésim qilish bilenla cheklinip, amérikadek ünümi bolghan emeliy qedemlerni basmighanliqini tilgha aldi.

D u q ning mu'awin re'isi doktor erkin ekrem "Uyghur kishilik hoquq siyasiti qanun layihisi" ning istratégiyelik ehmiyetliri toghrisida özining qarashlirini izhar qilip ötti.

Melum bolghinidek, amérika awam palatasi we kéngesh palatasida mutleq köp qisim awaz bilen testiqlinip prézidént trampning imza qoyushigha sunulghan "Uyghur kishilik hoquq siyasiti qanun layihesi" xitayni köp bi'aram qilghan idi.

Toluq bet