Долқун әйса: «канадаға елип бериватқан зияритимизниң биринчи басқучи ғәлибилик ахирлашти»

Ихтиярий мухбиримиз әркин тарим
2019-04-01
Елхәт
Пикир
Share
Принт
Д у қ рәиси долқун әйса әпәнди харвард университетида уйғур мәсилиси тонуштурулған рәсим көргәзмисидә. 2019-Йили март, бостун, америка.
Д у қ рәиси долқун әйса әпәнди харвард университетида уйғур мәсилиси тонуштурулған рәсим көргәзмисидә. 2019-Йили март, бостун, америка.
RFA/Erkin Tarim

Д у қ рәиси долқун әйса әпәндиниң канадаға елип бериватқан 15 күнлүк зияритиниң биринчи басқучи мувәппәқийәтлик ахирлашқан.

Д у қ рәиси долқун әйса әпәнди башчилиқидики һәйәт канаданиң һәр қайси җайлирида туруватқан шәрқий түркистан аммиви тәшкилатлири вә уйғурлар билән учришиш елип бериш, канада һөкүмити билән парламент әзалириға рәһмәт ейтиш вә уйғурларниң бәзи тәләплирини уларға йәткүзүш, канададики университет, тәтқиқат мәркәзлири һәм аммиви тәшкилатларда доклат бериш мәқситидә 22-март күни канадаға йетип барған иди. Д у қ рәиси долқун әйса әпәнди телефон зияритимизни қобул қилип, канадаға елип барған бу қетимқи зияритиниң мувәппәқийәтлик өткәнликини баян қилди.

Д у қ рәиси долқун әйсаниң канадаға елип бериватқан зиярити 23-март күни торонтодики уйғурлар билән бирликтә норуз паалийитигә иштирак қилиш билән башланған иди. У, 26-март күни монтреал конкордиа университетидики ирқий қирғинчилиқниң алдини елиш вә инсан һәқлири тәтқиқат мәркизидә доклат бәргән болуп, у доклатида нуқтилиқ һалда уйғурларниң һазирқи еғир вәзийити тоғрисида тохталған иди.

27-Март күни монтреалдики паалийитини ахирлаштурған дуня уйғур қурултийи рәис долқун әйса башчилиқидики һәйәт, 28-март күни америка қошма штатиниң бостон шәһиридики харвард университетиға берип доклат бериш йиғиниға қатнашқан. Йиғинда бир хитай оқуғучиси долқун әйса әпәндигә «ялған гәп қилдиң» дәп соал сориғинида, уйғурлар пакит билән җаваб бәргәндин кейин у мат болуп чиқип кәткән. Д у қ тәтқиқат комитети мудири әнвәр әхмәт әпәнди бу һәқтә мәлумат бәрди.

Долқун әйса 3-айниң 29-күни болса канаданиң ванковер шәһиридә бир қанчә паалийәткә иштирак қилған. Туйғун абдувели әпәнди бу һәқтә тохталди.

Д у қ рәиси долқун әйса әпәнди, муһаҗирлар комитети мудири мәмәт тохти әпәнди, д у қ баш тәптиши аблеким идрис әпәнди, д у қ тәтқиқат комитети мудири әнвәр әхмәт, д у қ аяллар комитети мудири амангүл ханим вә уйғур зиялийси рушән аббас ханимлардин тәркиб тапқан һәйәт канаданиң админто, калгари қатарлиқ җайлирида уйғурлар билән учришиш елип барған. Туйғун абдувели әпәнди бу сөһбәтләрниң дәва үчүн пайдилиқ болғанлиқини баян қилди.

Канада шәрқий түркистан бирликиниң кангаридики вәкили ғәйрәт атуш әпәнди телефон зияритимизни қобул қилип, д у қ рәһбәрлириниң кангаридики уйғурларға доклат берип, уларниң каллисидики қаймуқушларни йоқ қилғанлиқини, дәваниң күчийиши үчүн пайдилиқ болғанлиқини тәкитлиди.

Д у қ рәисиниң канада зиярити 4-айниң 5-күнигә қәдәр давамлишидикән. У, 4-айниң 2-күнидин башлап канаданиң пайтәхти оттовада канаданиң бәзи муһим сиясий әрбаблири билән айрим-айрим учришишлар елип баридикән вә мәркизи оттовада болған кишилик һоқуқ тәшкилатлири билән җаза лагерлириға қарши 2019-йили бирликтә елип баридиған паалийәтлириниң күнтәртипини ортақ музакирә қилидикән.

Пикирләр (0)
Share
Толуқ бәт