D u q re'isi dolqun eysaning kanadagha élip bériwatqan 15 künlük ziyariti dawamlashmaqta

Ixtiyariy muxbirimiz erkin tarim
2019-03-27
Élxet
Pikir
Share
Print
D u q re'isi dolqun eysa ependi kanada Uyghur jamisining échilish murasimida. 2019-Yili mart. Kanada.
D u q re'isi dolqun eysa ependi kanada Uyghur jamisining échilish murasimida. 2019-Yili mart. Kanada.
RFA/Erkin Tarim

D u q re'isi dolqun eysa ependi kanadaning her qaysi jaylirida turuwatqan sherqiy türkistan ammiwi teshkilatliri we Uyghurlar bilen uchrishish élip bérish, kanada hökümiti bilen parlamént ezalirigha rehmet éytish we Uyghurlarning bezi teleplirini ulargha yetküzüsh, kanadadiki uniwérsitét, tetqiqat merkezliri hem ammiwi teshkilatlarda doklat bérish meqsitide kanadada bir yürüsh pa'aliyet élip barmaqta. Bu qétimqi bu ziyariti toghrisida téximu tepsiliy melumat igilesh üchün d u q re'isi dolqun eysa ependi bilen téléfon söhbiti élip barduq. U bu heqte toxtaldi.

D u q re'isi dolqun eysaning kanadagha élip bériwatqan ziyariti 15 kün dawamlishidighan bolup, 22-mart küni kanadaning toronto shehirige yétip kelgen dolqun eysa ependi 23-mart küni Uyghurlar bilen birlikte noruz pa'aliyitige ishtirak qilghan. Kanada sherqiy türkistan teshkilatlar birlikining re'isi tuyghun abduweli ependi bu heqte melumat berdi. 

Dolqun eysa ependi shu küni axsham oqush we xizmetliride muweppeqiyet qazan'ghan oqughuchi we oqutquchilargha médal tarqitip bergen. Tuyghun abduweli ependi bu heqte toxtaldi. 

Dolqun eysa ependi 26-mart küni montré'al konkordi'a uniwérsitétidiki irqiy qirghinchiliqning aldini élish we insan heqliri tetqiqat merkizide doklat bergen bolup, doklatida nuqtiliq halda Uyghurlarning hazirqi éghir weziyiti toghrisida toxtalghan. D u q re'isi dolqun eysa ependi bu heqtimu toxtaldi.

Kanada Uyghur mesilisini birleshken döletler teshkilati we kanada parlaméntida otturigha qoyghan idi. Ötken yili 10-aydin 12-ayghiche bolghan qisqighina waqit ichide kanada parlaméntida 6 qétim guwahliq bérish pa'aliyiti ötküzülgen. Bundaq bir weziyette d u q re'isi dolqun eysa ependining kanadagha ziyaret élip bérishining ehmiyiti néme? d u q muhajirlar komitéti mudiri memet toxti bundaq bir weziyette élip bérilghan mezkur ziyaretning zor ehmiyetke ige ikenlikini tekitlidi.

Memet toxti ependining éytishiche, dolqun eysa ependi ikki kündin buyan muhim gézitlerning muxbirliri, ammiwi teshkilat mes'ulliri bilenmu uchrishish élip barghan bolup, uning bu xil uchrishishliri 4-ayning 2-künigiche dawamlishidiken. Memet toxti ependi bu heqte tepsiliy melumat berdi. 

D u q re'isining kanada ziyariti 4-ayning 5-künige qeder dawamlishidiken. Bu jeryanda u kanadaning bezi muhim siyasiy erbabliri bilen ayrim-ayrim uchrishishlar élip baridiken we merkizi kanadada bolghan kishilik hoquq teshkilatliri bilen jaza lagérlirigha qarshi 2019-yili birlikte élip baridighan pa'aliyetlirining küntertipini ortaq muzakire qilidiken.

Toluq bet