Берлиндики хитай әлчиханиси алдида зор намайиш өткүзүлди

Ихтияри мухбиримиз әкрәм
2019-12-27
Елхәт
Пикир
Share
Принт
Хитайниң берлиндики баш әлчиханиси алдида өткүзүлгән уйғурлар вә түркләрниң бирләшмә намайишидин бир көрүнүш, 2019-йили 27-декабир
Хитайниң берлиндики баш әлчиханиси алдида өткүзүлгән уйғурлар вә түркләрниң бирләшмә намайишидин бир көрүнүш, 2019-йили 27-декабир
RFA/Ekrem

27 - Декабир хитайниң берлиндики әлчиханиси алдида уйғурлар вә түркләрниң бирләшмә зор намайиши елип берилди.

Д у қ ниң тәшәббуси билән германийә пайтәхти берлиндики түрк тәшкилатлириниң иштиракида 27 - декабир хитай әлчиханиси алдида кәң көләмлик намайиш елип берилди. Намайишқа мюнхен вә башқа шәһәрләрдики бир қисим уйғурларму берип қатнашти.

Бу қетимқи кәң көләмлик намайиш шәрқий түркистанниң истиқлал марши билән башланған. Намайиш мәйданидин игилигән учурлиримизға асасланғанда, берлиндики түрк тәшкилатлири уйғурларни қоллаш, хитайниң җаза лагерлири сияситигә қарши туруш йүзсидин елип берилидиған бу қетимқи намайиш үчүн түркийәдин миңдин артуқ шәрқий түркистанниң ай-юлтузлуқ көк байриқини яситип әкәлгән болуп, бүгүн хитай әлчиханисиниң алди ай - юлтузлуқ көк байрақлар билән толуп ташқан.

Намайиш муқәддимисидә д у қ рәиси долқун әйса әпәнди нутуқ сөзләп, хитайниң җаза лагерлири вә шәрқий түркистандики омумий қабаһәтлик вәзийәт тоғрисида мәлумат бәргән. Униң сөзидин кейин түрк тәшкилатлири рәһбәрлири нутуқ сөзләп, хитайниң инсанийәткә қарши җинайәтлирини қаттиқ әйиплигән.

Бу намайишқа мәркизи берлинда болған һәр саһә кишилик һоқуқ тәшкилатлириниң вәкиллириму қатнашқан болуп, уларму хитайниң җаза лагерлири сияситини вә кишилик һоқуқ дәпсәндичиликлирини, уйғурларға селиватқан еғир зулумлирини тәнқид қилған. Бәзи әрәб тәшкилатлириниң вәкиллириму намайиш җәрянида сөз елип, өзлириниң шәрқий түркистандики хитай зулумиға көз юмалмайдиғанлиқини, хитайниң бу җинайәтлиригә қарита йеқин кәлгүсидә әрәб дунясидиму зор қаршилиқларниң вуҗудқа чиқидиғанлиқини баян қилишқан.

Хәтәр астидики хәлқләр тәшкилатиниң берлиндики мәсули шитефан әпәнди сөзидә «мән германийәдә уйғурлар үчүн бунчә көп кишиниң мәйданға чиқип һәқ тәрәптә турғанлиқидин һәқиқәтәнму тәсирләндим. Хитай уйғурларни дуняниң көз алдидила ютивәтмәкчи болған иди. Әмма дуня буниңға қарши ирадисини ипадиләватиду!» дегәнләрни тилға алған.

Намайишчилар шуарлирида уйғурларға әркинлик, шәрқий түркистанға мустәқиллиқ тәләп қилипла қалмастин, хитай маллирини пүтүн дуня миқясида байқут қилишни, хитайниң ирқий қирғинчилиқларни тохтитишини асаслиқ тема қилған. Хитай әлчиханиси алдини «биз һәммимиз уйғур!» дегән садалар қаплиған.

Намайиш мәйданидин зияритимизни қобул қилған мюнхендики җамаәт әрбаблиридин нурәһмәт қарим бугүнки бу намайиштин кишиләрниң яхши тәсиратларға еришкәнликини тилға алди. явропа шәрқий түркистан бирлики тәшкилатиниң рәиси әсқәрҗан әпәнди бу намайиш һәққидә өз қарашлирини баян қилип өтти.

Мәзкур намайишни өткүзүш үчүн бир айдин буян һазирлиқлар қилип кәлгән д у қ рәиси долқун әйса әпәнди берлиндики хитай әлчиханисиниң алдида тәшкилләнгән бу намайишниң мәқсити һәққидә изаһат бәрди.

Пикирләр (0)
Share
Толуқ бәт