Түркийәдики «балилар байрими» паалийитидә уйғур өсмүрләр номур көрсәтти

Ихтиярий мухбиримиз арслан
2019-04-25
Елхәт
Пикир
Share
Принт
Коҗаәли шәһиридә өткүзүлгән балилар байрими паалийитигә уйғур өсмүрлиридин бир гуруппа қатнишип, сәнәт номурлири көрсәтти. 2019-Йили 23-апрел, түркийә.
Коҗаәли шәһиридә өткүзүлгән балилар байрими паалийитигә уйғур өсмүрлиридин бир гуруппа қатнишип, сәнәт номурлири көрсәтти. 2019-Йили 23-апрел, түркийә.
RFA/Arslan

23-Апрел күни түркийәниң «миллий игилик һоқуқ вә балилар байрими» күнидур. Һәр йили бу күндә түркийәниң һәр қайси җайлирида өсмүр балилар үчүн һәр хил паалийәтләр уюштурулуп, тәнтәнилик тәбрикләш паалийәтлири өткүзүлиду. Бу мунасивәт билән 23-апрел күни коҗаәли шәһиридә өткүзүлгән балилар байрими паалийитигә уйғур өсмүрлиридин бир гуруппа қатнишип, сәнәт номурлири көрсәткән.

Коҗаели шәһәрлик һөкүмәт тәрипидин 23-апрел уюштурулған 11-нөвәтлик хәлқаралиқ балилар байримиға 47 дөләт вә райондин 1100 нәпәр өсмүр тәклип билән қатнашқан болуп, уйғур өсмүрлиригә вакалитән истанбулдики шәрқий түркистан нузугум җәмийити тәшкиллигән бир гуруппа уйғур өсмүрләр қатнашқан. Бу паалийәттә һәр хил номурларни көрсәткән. Уйғур өсмүрлири миллий кийимлирини кийип, ай юлтузлук көк байрақлирини көтүрүп ойниған долан уссули қизғин алқишқа еришти.

Игилинишичә, бу паалийәттә уйғур өсмүрләр коҗаели шәһәр башлиқиға вә коҗаели валийсиға уйғур мәдәнийити намаян қилинған сәнәт буюмлар һәдийә қилған.

Шәрқий түркистан нузугум җәмийитиниң баш катипи шәмшинур ханим зияритимизни қобул қилип, уйғур өсмүрлириниң коҗаәли шәһиридики бу қетимқи паалийити һәққидә мәлумат бәрди.

Шәмшинур ханимниң билдүрүшичә, уйғур өсмүрлири гурупписи бу паалийәт давамида түркийәдики вә дуняниң башқа җайлиридин кәлгән һәр милләт өсмүрлири билән тонушуш, дост болуш вә уйғурларни тонуштуруш пурситигә игә болған.

Шәмшинур ханимниң билдүрүшичә, уйғур өсмүрлири коҗаәлидики бир қанчә йәрлик аилиниң өйлиридә турған. Бу җәрянда улар өзлири турған түрк аилилиригә уйғурлар тоғрилиқ сөзләп бәргән.

Бу паалийәткә қатнашқан уйғур өсмүрлиридин абдуллаһ аюпоғли бу һәқтики соалимизға җаваб берип, өзиниң бу қетимқи паалийәткә қатнишиш җәрянидики тәсиратлирини баян қилип өтти.

23-Апрел күни йәнә истанбулда уйғур өсмүрлидин бир гуруппа өсмүрләр җәм болуп, балилар байримини тәбрикләш паалийити өткүзгән. Бу паалийәтни хәлқаралиқ аң чүшәнчә вә иҗтимаий һәмкарлиқ җәмийити мәхсус уйғур өсмүрлири үчүн уюштурған. Паалийәттә истиқлал марши оқулғандин кейин шәрқий түркистанниң миллий марши оқулған вә қуран кәрим тилавәт қилиш билән башланған. Паалийәттә уйғур өсмүрлири һәр хил темиларда шеир декламатсийә қилған. Бу паалийәттә хәлқаралиқ аң-чүшәнчә вә иҗтимаий һәмкарлиқ җәмийитиниң рәиси әмирхан айдоғмуш сөз қилип, дуняда йүз бериватқан уруш вә тоқунушларниң өсмүрләргә қаттиқ тәсир қиливатқанлиқини билдүргән.

У мундақ дегән: «бүгүн бу йәрдә һәқсизлиққа учриған өсмүрләр вә аялларни бир аз болсиму хушал қилиш үчүн бу паалийәтни уюштурдуқ. Уларниң хушаллиқи бизниң хушаллиқимиздур. Шәрқий түркистанда зулум тартиватқан қериндашлиримиз үчүн түркийәдә муҗадилә қиливатқан қериндашлиримизға мушу паалийәт арқилиқ роһи илһам беришни халидуқ. Түрк хәлқи һәр заман шәрқий түркистанлиқ қериндашлиримизниң қешида болушни истәйду.»

Түркийәниң «миллий игилик һоқуқ вә балилар байрими» күни мунасивити билән истанбулда өткүзүлгән өсмүр балилар паалийити тоғрисида «шәрқий түркистанлиқ өсмүрләр 23-апрелни тәбриклиди» дегән темида анадолу агентлиқи қатарлиқ чоң мәтбуатларда хәвәрләр берилди.

Игилинишичә, 1920-йили 23-апрел күни түркийә бүйүк милләт мәҗлиси ечилған күн болуп, кейин бу күн «миллий игилик һоқуқ вә балилар күни» қилип бекитилгән. Бу күни түркийәниң «мустәқиллиқ уруши» да дадилири шеһит болуп кәткән балиларниң көңлини хош қилиш үчүн «миллий байрам» қилип бекитилгән.

Пикирләр (0)
Share
Толуқ бәт