Uyghurlar aqsaray aldigha yighilip, prézidént trampqa rehmet éytti

Muxbirimiz jüme
2020-06-21
Élxet
Pikir
Share
Print
21-Iyun chüshtin kéyin, amérika paytexti washin'gton alahide rayoni we etraptiki sheherlerdin kelgen Uyghurlar aqsarayning aldigha yighilip, prézidént trampning "Uyghur kishilik hoquq siyasiti qanuni" gha imza qoyghanliqigha yene bir qétim rehmet éytti.
21-Iyun chüshtin kéyin, amérika paytexti washin'gton alahide rayoni we etraptiki sheherlerdin kelgen Uyghurlar aqsarayning aldigha yighilip, prézidént trampning "Uyghur kishilik hoquq siyasiti qanuni" gha imza qoyghanliqigha yene bir qétim rehmet éytti.
Photo: RFA

Shu jay waqti 21-iyun chüshtin kéyin, amérika paytexti washin'gton alahide rayoni we etraptiki sheherlerdin kelgen Uyghurlar aqsarayning aldigha yighilip, prézidént trampning "Uyghur kishilik hoquq siyasiti qanuni" gha imza qoyghanliqigha yene bir qétim rehmet éytti.

"Uyghur kishilik hoquq siyasiti qanuni-2020" awam we kéngesh palatalirida mutleq yuqiri awaz bilen maqullan'ghandin kéyin, prézidént trampning huzurigha keltürülgen. U, 17-iyun mezkur qanun'gha imza qoyup, uning resmiy qanun'gha aylan'ghanliqni jakarlighan. 

Bu qanunda Uyghur we bashqa türkiy xelqlerge qaritilghan ziyankeshlik we lagér siyasetliride qoli bar xitay emeldarlirini qaratmiliq jazalash qatarliq mezmunlar yer alghan. 

Bu qanunda imzalan'ghandin kéyin xitay da'iriliri oz axbaratlirini ishqa sélip amérikigha qarishi teshwiqatlarni bir nechche kün dawamlashturghan. 

Prézidént tramp Uyghur kishilik hoquq qanunigha imza qoyghan küni chüshtin kéyin etraptiki bir qisim Uyghurlar yamghur we korona wirusi tehditige qarimay aqsarayning aldighan kélip tentene qilghan. 

Ular yangratqu arqiliq "Prézidéntqa rehmet!", "Amérika xelqige teshekkür!" dégendek sho'arlarni towlighan idi.

Bu qétimliq tentene pa'aliyitigimu amérika paytextige yéqin jaylardin kelgen Uyghurlar özlükidin teshkillinip ishtirak qildi we amérikigha bolghan minnetdarliqini ipadileshti.

Pa'aliyet amérika prézidénti donald trampning turalghusi-aqsaray aldiki chöplükte ötküzüldi. Pa'aliyette tawlan'ghan sho'arlar arisida amérikigha, prézidéntigha we amérika dölet mejlisige teshekkür éytish sadaliri köp salmaqni igilidi. 

Pa'aliyette yene xitayning Uyghurlargha qaratqan basturush we zulum siyasetliri eyiblendi, bu siyasetlerning bash rolchisi bolmish xitay re'isi shi jinpinggha lenet oquldi.

Xitay hökümitining 2017-yilidin buyan 1. 8 Milyondin 3 milyon'ghiche Uyghur qatarliq türkiy xelqlerni yighiwélish lagérlirigha tashlighanliqi ashkarilan'ghandin kéyin, amérikida xitayni jazalash pikirliri ulghayghan. 

Közetküchilerning qarishiche, amérikida bu nöwet maqullan'ghan "Uyghur kishilik hoquq siyasiti qanuni-2020" xitayning Uyghurlargha qaratqan basturush siyasitige qarshi élin'ghan eng emeliy bir qedem hésablinidiken.

Toluq bet