Уйғурлар ақсарай алдиға йиғилип, президент трампқа рәһмәт ейтти

Мухбиримиз җүмә
2020-06-21
Елхәт
Пикир
Share
Принт
21-Июн чүштин кейин, америка пайтәхти вашингтон алаһидә райони вә әтраптики шәһәрләрдин кәлгән уйғурлар ақсарайниң алдиға йиғилип, президент трампниң «уйғур кишилик һоқуқ сиясити қануни» ға имза қойғанлиқиға йәнә бир қетим рәһмәт ейтти.
21-Июн чүштин кейин, америка пайтәхти вашингтон алаһидә райони вә әтраптики шәһәрләрдин кәлгән уйғурлар ақсарайниң алдиға йиғилип, президент трампниң «уйғур кишилик һоқуқ сиясити қануни» ға имза қойғанлиқиға йәнә бир қетим рәһмәт ейтти.
Photo: RFA

Шу җай вақти 21-июн чүштин кейин, америка пайтәхти вашингтон алаһидә райони вә әтраптики шәһәрләрдин кәлгән уйғурлар ақсарайниң алдиға йиғилип, президент трампниң «уйғур кишилик һоқуқ сиясити қануни» ға имза қойғанлиқиға йәнә бир қетим рәһмәт ейтти.

«Уйғур кишилик һоқуқ сиясити қануни-2020» авам вә кеңәш палаталирида мутләқ юқири аваз билән мақулланғандин кейин, президент трампниң һузуриға кәлтүрүлгән. У, 17-июн мәзкур қанунға имза қоюп, униң рәсмий қанунға айланғанлиқни җакарлиған. 

Бу қанунда уйғур вә башқа түркий хәлқләргә қаритилған зиянкәшлик вә лагер сиясәтлиридә қоли бар хитай әмәлдарлирини қаратмилиқ җазалаш қатарлиқ мәзмунлар йәр алған. 

Бу қанунда имзаланғандин кейин хитай даирилири оз ахбаратлирини ишқа селип америкиға қариши тәшвиқатларни бир нәччә күн давамлаштурған. 

Президент трамп уйғур кишилик һоқуқ қануниға имза қойған күни чүштин кейин әтраптики бир қисим уйғурлар ямғур вә корона вируси тәһдитигә қаримай ақсарайниң алдиған келип тәнтәнә қилған. 

Улар яңратқу арқилиқ «президентқа рәһмәт!», «америка хәлқигә тәшәккүр!» дегәндәк шоарларни товлиған иди.

Бу қетимлиқ тәнтәнә паалийитигиму америка пайтәхтигә йеқин җайлардин кәлгән уйғурлар өзлүкидин тәшкиллинип иштирак қилди вә америкиға болған миннәтдарлиқини ипадиләшти.

Паалийәт америка президенти доналд трампниң туралғуси-ақсарай алдики чөплүктә өткүзүлди. Паалийәттә тавланған шоарлар арисида америкиға, президентиға вә америка дөләт мәҗлисигә тәшәккүр ейтиш садалири көп салмақни игилиди. 

Паалийәттә йәнә хитайниң уйғурларға қаратқан бастуруш вә зулум сиясәтлири әйибләнди, бу сиясәтләрниң баш ролчиси болмиш хитай рәиси ши җинпиңға ләнәт оқулди.

Хитай һөкүмитиниң 2017-йилидин буян 1. 8 Милйондин 3 милйонғичә уйғур қатарлиқ түркий хәлқләрни йиғивелиш лагерлириға ташлиғанлиқи ашкариланғандин кейин, америкида хитайни җазалаш пикирлири улғайған. 

Көзәткүчиләрниң қаришичә, америкида бу нөвәт мақулланған «уйғур кишилик һоқуқ сиясити қануни-2020» хитайниң уйғурларға қаратқан бастуруш сияситигә қарши елинған әң әмәлий бир қәдәм һесаблинидикән.

Пикирләр (0)
Share
Толуқ бәт