Amérikaliq Uyghur elnigar iltebir aq saraydiki yéngi xizmitini bashlidi

Muxbirimiz sada
2019-08-14
Élxet
Pikir
Share
Print
Elnigar iltebir xanim "Axbaratning insan heqliri we démokratiyini ilgiri sürüshtiki küchi" mawzuluq doklat bermekte. 2011-Yili 26-séntebir, éstoniye.
Elnigar iltebir xanim "Axbaratning insan heqliri we démokratiyini ilgiri sürüshtiki küchi" mawzuluq doklat bermekte. 2011-Yili 26-séntebir, éstoniye.
Social Media

Amérikaliq Uyghur tetqiqatchi elnigar iltebir amérika dölet xewpsizliki kéngishining xitay ishliri bölümining diréktorluq wezipisige teyinlen'gen.

"Tashqi siyaset" zhurnilining 14-awghusttiki xewiride déyilishiche, tramp hökümitining elnigar iltebirni bu wezipige teyinlishi simwolluq menige ige bolup, buning amérika-xitay otturisidiki soda söhbiti we bashqa munasiwetlerge tesir körsitish éhtimali bar iken.

Mezkur xewerde elnigar iltebirning buningdin kéyin qilidighan ishliri we roli heqqide tepsiliy chüshenche bérilgen. 

Melum bolushiche, u, tramp hökümitidiki eng muhim mesililerning biri bolghan xitay siyasiti mesilisini bir terep qilishqa yardemlishidiken. Bular yene amérika-xitay otturisidiki soda, herbiy we kishilik hoquq mesililirinimu öz ichige alidiken.

"Tashqi siyaset" zhurnilidiki mezkur maqalide qeyt qilinishiche, xelq'ara kechürüm teshkilati asiya tinch-okyan bölümining bashqurghuchisi fransisko bénkozm elnigar iltebirning bu xizmetke olturushi heqqide söz qilip: "Xitay hökümet xadimliri bilen bolghan söhbetlerde üstelning qarishi teripide bir Uyghurning olturush éhtimalliqi kishini tolimu hayajan'gha salidu" dégen.

Nöwette, Uyghur diyaridin ikki milyon'gha yéqin Uyghur we bashqa türkiy milletlerning jaza lagérlirigha qamilip, kishilik hoquqlirining éghir derijide ziyankeshlikke uchrawatqanliqi melum boluwatqan peytte amérikadiki bir Uyghurning tramp hökümitidiki yuqiri derijilik xizmetni öz üstige alalishi Uyghur weziyitige köngül bölgüchilerning diqqitige érishti.

Halbuki xewerde elnigar iltebirning aqsaraydiki xizmitini bashlighan yaki bashlimighanliqi heqqide uchurlar bérilmigen.

Toluq bet