Д у қ: «‹зимистан' мухбирлириниң тутқун қилинишидин қаттиқ әндишә қилмақтимиз»

Мухбиримиз әркин
2019-01-18
Елхәт
Пикир
Share
Принт

Дуня уйғур қурултийи 18‏-январ баянат елан қилип, италийәдики диний әркинлик вә кишилик һоқуқ тори‏- «зимистан» ториниң мухбирлириниң тутқун қилиниши вә из-дерәксиз ғайиб болушидин қаттиқ әндишә қиливатқанлиқини билдүрди. «Зимистан» тори уйғур райониға мухбир әвәтип, дуняни мәзкур районидики лагерлар һәққидә дәлилләр билән тәминләп келиватқан торларниң бири. Лекин, өткән йили 8‏-айдин башлап мәзкур торниң 45 нәпәр хитай мухбири тутқун қилинған яки из-дерәксиз йоқалған. Мәлум болушичә, юқириқи 45 нәпәр мухбириниң 4 нәпири ичкиридә тутқун қилинған, қалған 41 нәпири уйғур районида ғайиб болған.

Дуня уйғур қурултийи баянатида, бу мухбирлар дуняниң «яманлишип кетиватқан уйғур кишилик һоқуқ вәзийитини, хитайниң кишилик һоқуққа хилаплиқ қилиши, уйғур вә башқа етник һәм диний гуруппиларни җазалаватқанлиқиға ортақ чүшәнчә һасил қилишида интайин муһим дәлилләр билән тәминләп кәлгәнлики» ни билдүргән. «Зимистан» ториниң бир мухбири өткән йили 11‏-айда ғулҗиниң йеңийәр базирида қурулуватқан бир йиғивелиш лагерини синға елип, мәзкур торда елан қилған. Бу мухбир шуниңдин кейин ғайиб болған иди.

Дуня уйғур қурултийи баянатида: «биз һәқиқәтни ашкарилашқа җасарәт қилған бу кишиләрни унтуп қалмаслиқимиз керәк. Биз йәнә хәлқара җәмийәтни хитай һөкүмитигә бу мухбирларни қоюп бериш вә ахбарат әркинликигә һөрмәт қилиш һәққидә үнлүк хитаб қилишқа чақиримиз» дегән. «Зимистан» ториниң илгири сүрүшичә, уларниң тутқун қилинғанлиқи ениқ болсиму, әмма ақивитиниң қандақ болғанлиқи мәлум әмәс икән.

Пикирләр (0)
Share
Толуқ бәт