Мусулман паалийәтчиләр йеңи зеландийә қурбанлирини хитайдин кәлгән ярдәм пулни қобул қилмаслиққа чақирди

Мухбиримиз шөһрәт һошур
2019-03-26
Елхәт
Пикир
Share
Принт

Мәлум болушичә йеңи зеландийәдә икки мәсчит җамаити террорлуқ һуҗумиға учриғандин кейин, йеңи зеландийәдә һуҗумда зиянкәшликкә учриған аилиләргә ианә қилиш долқуни қозғалған. «Стаф зеландийә» намлиқ хәвәр торида баян қилинишичә зор миқдарда пул ианә қилғанлар арисида йеңи зеландийәдики хитай тиҗарәтчи җаң йикүнму бар болуп, у 2милйон доллар ярдәм қилишқа вәдә бәргән.

Буниңдин хәвәр тапқан йеңи зеландийәдики бир түркүм мусулман паалийәтчиләр, хитайниң уйғур мусулманлириға зулум селиватқанлиқини оттуриға қоюп зиянкәшликкә учриғучилар аилә- тавабиатлирини хитайдин кәлгән мәзкур ярдәмни қобул қилмаслиққа дәвәт қилған.

Мәлум болушичә җаң йикун илгириму йеңи зеландийәдики бир сиясий партийәгә 100 миң доллар пул ианә қилған вә кейин униң хитай компартийәси билән шерикчилики барлиқи, хитайниң бирликсәп хизмитидә мәхпий вәзипә өтәватқанлиқи һәққидә хәвәрләр тарқалған. Йеңи зеландийәдики «хадичә рәһбәрлик тори» намидики тәшкилатниң әзалири болған мәзкур мусулман паалийәтчиләр өзлириниң бу һәқтики тәшәббуснамисидә хитайниң чәтәлдики мусулманларға ярдәм қилиштин аввал өз дөлитидики мусулманларниң һалидин хәвәр елиши керәкликини тәкитлигән вә хитай тиҗарәтчини ианә қилмақчи болған 2 милйон доллар пулини уйғур мусулманлириға беришини тәвсийә қилған.

Мәлум болушичә, һазирға қәдәр йеңи зеландийә қурбанлириға топланған ианә пули 8. 5Милйон доллардин ешип кәткән, шуңа юқириқи мусулман паалийәтчиләр өз чақириқида хитайниң ярдимигә еһтияҗ қалмиғанлиқиниму әскәртип өткән.

Пикирләр (0)
Share
Толуқ бәт