Уйғурларниң «андройид» янфонлириму «алма» янфонлиридәк һуҗумға учриған

Мухбиримиз ирадә
2019-09-03
Елхәт
Пикир
Share
Принт

Форбес журнили чәтәлләрдики уйғурлар қоллиниватқан андройид янфонлириниңму худди «алма» ширкитиниң янфонлириға охшашла һуҗумға учриғанлиқини хәвәр қилди.

Техи бир күн аввал, форбес журнили хәвәр тарқитип, гогул вә микрософт системилириниң мәхсус уйғурларниң «алма» телефонлириға суқунуп кирип учур оғрилайдиған бир тор җасуслуқ һуҗумиға учриғанлиқини хәвәр қилған.

3-Сентәбир күни форбес журнилиниң хәвәр қилишичә, «алма» ширкитиниң айфонлириға қилинған юқириқидәк һуҗумға «андройид» янфонлириму охшаш учриған.

Хәвәрдә ейтилишичә, мәхсус чәтәлләрдики уйғурларниң телефонлиридики учурларни оғрилашни мәқсәт қилған бу хаккирлар алди билән уйғурлар көп зиярәт қилидиған уйғур академийәси, түркистан хәвәрлири, түркистан телевизийәси вә истиқлал хәвәр тор бәтлири қатарлиқ 11 тор бәткә һуҗум қилиш арқилиқ, бу тор бәтләрни уни зиярәт қилған айфон яки андройд телефонлирини юқумландуридиған қилип өзгәрткән. Нәтиҗидә, бу тор бәтләргә киргән янфонлар җасуслуқ вируси билән юқумланған.

Хәвәрдә қәйт қилинишичә, бу җасуслуқ вируси айфон ишләткүчиләрниң айфонидики мәвҗут бихәтәрлик бошлуқидин пайдилинип, янфондики сүрәт, қисқа учур вә шундақла йәнә ватсап, телеграмма қатарлиқ алақә юмталлиридики учурлирини шундақла янфон игисиниң җуғрапийәлик орни қатарлиқ учурларни оғрилиған болуши мумкин икән.

Мәлум болушичә, гогул ширкитидики мутәхәссисләр бу вирусни байқап, әһвални «алма» ширкитигә мәлум қилғандин кейин, улар бу йил 2‏-айда айфондики бу бошлуқни етивәткән болсиму, у арилиқта зади қанчилик уйғурниң янфонидики учурниң оғриланғанлиқи ениқ әмәс.

Пикирләр (0)
Share
Толуқ бәт