Xitay hökümitining Uyghur élide "Zamaniwiliq" dégen namda xitay medeniyitini singdürüwatqanliqi ashkarilanmaqta

Muxbirimiz irade
2019-10-24
Élxet
Pikir
Share
Print

Xitay xewerler torining xewirige qarighanda, 24-öktebir küni xitay da'iriliri bügür nahiyeside "Güzel we yéngiche ayallar kiyim-kéchek modéli" namliq bir musabiqe ötküzülgen. Musabiqige 200 din artuq ayal qatnashturulghan. Musabiqige a'it tarqitilghan süretlerde diqqet tartqini shuki, atalmish "Yéngiche kiyim-kéchek musabiqisi" de sehnidiki Uyghur ayallirining xitaylarning "Chipaw" köynikini kiyip, qollirida yelpügüch kötürgen halda modélliq qilip méngiwatqan süretliri asasliq süret qilip ishlitilgen. Modélliq qiliwatqan Uyghur ayallirining hemmisining dégüdek qisqa chach bolushimu diqqet qozghighan yene bir nuqta boldi.

Xitay hökümiti Uyghur élide milyonlighan Uyghurni lagérgha qamash bilen birge Uyghurlarning milliy we diniy kimlikini yoqitish üchün pa'al heriket qiliwatqanliqi bilinmekte. Buningda Uyghur ayallirining asasiy nishan boluwatqanliqi chet'ellerdiki kishilik hoquq közetküchiliri we tetqiqatchilarning diqqitini qozghimaqta.

Xitay hökümiti 2011-yilliridin bashlap Uyghur élide "Shinjang ayallirining güzellik qurulushi" deydighan bir heriketni yolgha qoyghan. Xitay da'iriliri bu arqiliq Uyghur ayallirining kiyinish, yürüsh-turush we yasinish adetlirini özgertishke heriket qilip kelgen. Mehelle kadirliri hetta kochilargha chiqip "Yopka késish" heriketlirini élip barghan idi. Xitay da'iriliri bu heriketlerni "Dewr tereqqiyatigha maslishalaydighan, shinjanggha xas salapetlik, jelpkar yéngi dewr ayallirini yétishtürüsh" dep teshwiq qilsimu, emma chet'ellerde Uyghurlarni yéqindin tetqiq qilip kéliwatqan tetqiqatchilar buni xitay hökümitining Uyghurlarni "Xitaylashturush" siyasitining muhim bir parchisi, dep qarimaqta.

Amérikadiki indiyana uniwérsitétining dotsénti, xitayning milletler siyasiti we Uyghurlar heqqide tetqiqat bilen shughullinip kéliwatqan doktor timusiy grus yéqinda bu heqte élan qilghan bir mulahiziside "Xitay hökümiti Uyghur ayallirining kiyinish usulini we güzellik qarishini normalsiz qilip körsitish, uning ornigha hökümet teripidin sunulghan yasinish we kiyinish usulini normallashturush arqiliq rayonda ishghal qilin'ghan milletlerning beden güzelliki we tepekkurigha hakim bolushni ishqa ashurmaqchi boluwatidu," dégen.

Toluq bet