Хитайниң «яғач ат» намлиқ вирусиниң уйғурларға қаритилғанлиқи ашкариланди

Мухбиримиз әркин
2019-09-02
Елхәт
Пикир
Share
Принт

Гогул ширкити йеқинда «яғач ат» намлиқ мәхсус айфон қолланғучи уйғурларни нишан қилған бир хитай җасуслуқ вирусини байқиған.

Америка таратқулириниң хәвәр қилишичә, гогул ширкити бу вирусниң бәзи зиянлиқ тор бәтлиригә йошурунғанлиқи, униң бу тор бәтлиригә киргән уйғурларниң айфониға юқуп, айфондики санлиқ учурларни оғрилайдиғанлиқини билдүргән.

Бу учурни америкадики «форбес» вә «тәк кранч» намлиқ бир техника тори өткән һәптиниң ахиридики хәвиридә ашкарилиған. Хәвәрдә қәйт қилинишичә, бу җасуслуқ вируси мәхсус уйғурларниң айфониға юқидикән. Хәвәрдә бу вирусниң айфон ишләткүчиләрниң айфондики мәвҗут бихәтәрлик бошлуқидин пайдилинип, айфон ишләткүчиниң сүрәт, ватсап, телеграмма, аймәсаҗ қатарлиқ алақә юмталлиридики учурлирини шундақла ишләткүчиниң орни қатарлиқ учурларни оғрилиған болуши мумкинлики билдүрүлгән.

Хәвәрдә тәкитлинишичә, гогул ширкитидики мутәхәссисләр бу вирусни байқап, әһвални «алма» ширкитигә мәлум қилған. «Алма» бу йил 2‏-айда бихәтәрликни күчәйтип, айфондики бу бошлуқни етивәткән. Лекин гогул ширкити айфон ишләткүчи қанчә уйғурниң вә конкрет қайси абонтларниң һуҗумға учриғанлиқини тилға алмиған. Хәвәрдә қәйт қилинишичә, гогул ширкити өткән һәптә буниңға даир бәзи тәпсилатларни ашкарилиған болуп, униңда пәқәт «‹бәзи иҗтимаий топлар' ниң айфон санлиқ учури оғриланған болуши мумкин. Әгәр абонт юқумланған бирәр тор бекитигә киргән болса, у һуҗум нишаниға айланған болуши вә һуҗумда һәр һәптиси нәччә миң абонт тәсиргә учриған болуши мумкин,» дейилгән.

«Форбес» журнилиниң хәвиридә қәйт қилинишичә, «алма» ширкитиниң айфони бу вирусниң һуҗум нишани болупла қалмай, гогулниң андроид системиси вә микрософтниң windows системисини орнатқан компютерларму бу вирусниң һуҗум нишани икән.

Пикирләр (0)
Share
Толуқ бәт