Хитай һөкүмити өткән үч йилда йүз миң кишини «ишқа орунлаштурған»

Мухбиримиз әзиз
2020-06-10
Елхәт
Пикир
Share
Принт

Хитай һөкүмити өткән бирнәччә йилда «намратлиқтин қутулдуруш» намида ишқа орунлаштурған «маашлиқ ишчилар» ниң саниниң аллиқачан йүз миңдин ашқанлиқини мәлум қилди.

«Шинҗаң гезити» ниң 10-июндики санида ейтилишичә, өткән үч йилда қәшқәр вә хотән районида йүз миң киши маашлиқ хизмәткә орунлашқан болуп, булар бирдәк парханиға от қалаш, сатирашлиқ, кәпшәрләш, болка пишуруш қатарлиқ кәсипләрни өгиниш арқилиқ ишқа орунлашқаникән шуниңдәк улар йәнә башқа җайларға йөткәп орунлаштурулған.

Хитай һөкүмити бу әһвални «йәрлик уйғурларни намратлиқтин қутулдуруш хизмитиниң нәтиҗиси» дәп тәшвиқ қиливатқан болсиму, бир қисим анализчилар буларниң йәрлиридин айрилип қалған деһқанлар һәмдә лагер мәһбуслири болуши мумкинликини алға сүрмәктә. Хәлқараниң бесимлириға җаваб бериш үчүн хитай һөкүмити тәшкиллигән «лагер зиярити» җәрянида екискурсийәчиләр аталмиш «курсантлар» ниң түрлүк «кәспий маһарәтләрни өгиниватқанлиқи» ни көргәниди.

Мустәқил көзәткүчи илшат һәсән бу һәқтә пикир қилип «хитай һөкүмити һазир ишханиларда олтуридиған вә рәһбәрлик қилидиған ишларни хитай аққунлириға тәқсимләп, йәрсиз деһқанлар һәмдә лагерлардин ‹идийә өзгәртип' чиққан мәһбусларни ашу хилдики төвән маашлиқ хизмәтләргә селиватиду» деди.

Пикирләр (0)
Share
Толуқ бәт