«Шинҗаң гезити» ниң тәһрират мақалиси: «шинҗаңда террорлуқ вә диний ашқунлуқниң туприқи вә шараити әң зор дәриҗидә йоқитилди»

Мухбиримиз әркин
2020-04-27
Елхәт
Пикир
Share
Принт

«Шинҗаң гезити» 27-апрел чоң һәҗимлик тәһрират мақалиси елан қилип, хитайниң хәлқарада «мәдәнийәт қирғинчилиқи» дәп әйиблинип келиватқан уйғур районидики йеқинқи бир қанчә йиллиқ сияситини муәййәнләштүргән.

Мәзкур мақалә хитай баш секретари ши җинпиңниң 2014-йили 4-айниң ахирлири уйғур аптоном райониға қилған зияритиниң 6 йиллиқи мунасивити билән елан қилинған. Ши җинпиңниң шу қетимқи зиярити хитайниң уйғурларға қаратқан сияситидики радикал бурулуш нуқтиси болуп қалған.

Йеқинда ашкариланған һөҗҗәтләр хитайниң уйғурларни кәң көләмлик бастуруш қарариниң шу зиярәттин кейин елинғанлиқи, ши җинпиңниң уйғурға «мәрһәмәт қилмаслиқ» һәққидә буйруқ чүшүргәнлики мәлум болған иди.

«Шинҗаң гезити» ниң тәһрират мақалисидә илгири сүрүшичә, даириләр йеқинқи 6 йилдин бери районда террорлуққа қаттиқ зәрбә бериш, кәспий маһарәт тәрбийәси вә тәрбийәләш мәркизи қуруш қатарлиқ көп хил тәдбирләр арқилиқ террорлуқ, диний ашқунлуқниң туприқи вә шраитини әң зор дәриҗидә йоқатқан икән.

Мақалидә йәнә хитайниң бу җәряндики «туғқанчилиқ» сиясити, уйғур аилилиригә хитай кадирлирини орунлаштуруш, әмгәк күчлирини йөткәш, маарип, мәдәнийәт, диний етиқад вә башқа җәһәтләрдики радикал тәдбирлирини муәййәнләштүрүп, бу арқилиқ районниң «узун муддәтлик әминликигә тәсир йәткүзидиған чоңқур қатламлиқ мәсилиләрни һәл қилишта вақит вә тәшәббускарлиққа еришкәнлики» тәкитләнгән. Һалбуки. Бу сиясәтләр хәлқарада уйғурларға қаритилған «мәдәнийәт қирғинчилиқ» дәп әйиблинип, бу сиясәтни иҗра қиливатқан чен чүәнго башчилиқидики хитай әмәлдарлирини җазалаш тәләп қилинип кәлгән иди.

Пикирләр (0)
Share
Толуқ бәт