Xitay shimali koréyege néfit mehsulati teminleshni qisqartidiken

Muxbirimiz ümidwar
2017-09-24
Élxet
Pikir
Share
Print

Shimali koréye rehbiri kim junyun amérika prézidénti tramp we b d t ning shimali koréyege qaratqan émbargolirini eyiblep söz qilip, özining yene tinch okyanda wodorod bombisi siniqi élip baridighanliq tehditini jakarlishi netijiside shimali koréye krizisi téximu jiddiylishiwatqan bir peytte, xitay hökümiti shimali koréyege néfit mehsulatlirini éksport qilishqa chek qoyghanliqini élan qilghan.

Amérikining "A b s xewerliri" tor sehipisidiki bu heqtiki xewerdin melum bolushiche, xitay 1-öktebirdin étibaren shimali koréyege éksport qilidighan pishshiqlap ishlen'gen néfit miqdarini kémeytip, her yili ikki milyon tonnigha qisqartidighanliqi, emma, shimali koréyege suyuqlitilghan tebi'iy gaz qatarliqlarni éksport qilishni derhal toxtitidighanliqini jakarlighan. Uning aldida birleshken döletler teshkilati shimali koréyege bashqurulidighan bomba we bashqa yadro programmiliri üchün ishlitidighan néfit mehsulatlirini éksport qilishqa émbargo qoyghan idi.

Xitay yene shimali koréyening asasliq kirim menbeliridin biri hésablinidighan toqumichiliq mehsulatlirini kirgüzüshni toxtitidighanliqini bildürgen we hazirghiche shimali koréyedin kömür we tömür kan mehsulatlirini kirgüzüshni toxtatqan idi.

Amérika awazining xewer qilishiche, shenbe küni, shimali koréye tashqi ishlar ministiri ri yongxo b d t omumi yighinda söz qilghanda, amérika prézidénti donald trampqa haqaret qilidighan hujum xaraktérlik sözlerni éytqan bolup, prézidént tramp buninggha qattiq jawab qayturup,twittér sehipiside: "Ular, kichik rakétachining oylirini dawamliq tekrarlaydiken, ular uzun turalmaydu" dégen idi.

Toluq bet