Шәнбә күни хитайда қаттиқ ямғур апити йүз берип 90 ға йеқин адәм өлгән

Мухбиримиз җүмә
2016-07-24
Елхәт
Пикир
Share
Принт

Шәнбә күни хитайда қаттиқ ямғур апити йүз берип 90 ға йеқин адәм өлгән, нәччә миңлиған дәм тарқақлаштурулған.

Хитай мәркизи телевизийәсиниң хәвәр қилишичә, ямғурдин кейин чаңҗяң дәряси тешип кетип хубей өлкисиниң көп җайлирини су бесип кәткән, нәтиҗидә хубей өлкисидә зиян әң еғир болған.

Шинхуа ахбаратиниң хәвәр қилишичә хубей өлкисидә көрүлгән апәттә аз дегәндә 72 адәм өлгән, 78 адәмниң дерики болмиған. Аз кәм 50 миң өй өрүлгән.

Хенәндә көрүлгән апәттә 15 адәм өлгән, 8 адәмниң из - дерики болмиған. 72 Миң адәм өйлирини ташлап қечишқа мәҗбур болған, 18 миң өй вәйран болған.

Мәлум болушичә, бу қетимқи апәттә омумий зиян 20 милярд йүәнгә, апәтниң тәсиригә учриған адәм 8.6 Милйонға йәткән.

Ямғур вә ямғурдин кейин йүз бәргән кәлкүн ‍а питидә су астида қалған деһқанчилиқ зираәтлири нәччә милйон модин ешип кәткән.

Бу йил яз киргәндин буян хитайниң җәнубий өлкиси вә чаңҗяң дәря делтисиға җайлашқан районлирида һөл - йеғин вә кәлкүн апәтлири көп көрүлгән.

Бу айниң бешида хитайниң тибәт, гуйҗу, хунән, хубей, әнхуй, йүннән, җяңши вә җяңсу қатарлиқ өлкилири қаттиқ ямғур апитигә учриған. Хитай ахбаратлири бу һәқтики хәвәрлиридә 222 адәмниң өлгәнликини хәвәр қилған иди.

Толуқ бәт