Xelq'ara tébbiy sahedikiler adem organlirini köchürüsh mesiliside xitayni qattiq eyiblidi

Muxbirimiz qutlan
2014-04-07
Élxet
Pikir
Share
Print

"Büyük éra" gézitining 7-apréldiki xewirige qarighanda, xelq'ara adem organlirini köchürüsh teshkilatliri yéqinda xitay kompartiyesining bash sékrétari shi jinpinggha ochuq xet yézip birlikte imza qoyghan.

Mezkur ochuq xette, xitayning nöwettiki siyasiy sistémisining adem organlirini élip-sétish hadisilirige yochuq échiwatqanliqi hemde tébbiy sahe boyiche xelq'ara qa'ide-nizamlarni buzuwatqanliqi qattiq eyiblen'gen.

Melum bolushiche, xitay hazir adem organlirini élip-sétish boyiche dunyadiki eng chong qarangghu bazargha aylan'ghan. Bolupmu 1999-yilidin buyan xitay türmisige qamalghan falun'gung muritlirining ichki ezalirini élip-sétish qilmishi xelq'ara jama'etchilikning diqqitini qozghap kelgen.

Mezkur ochuq xette yene, xitay da'irilirining tutqundiki falun'gung muritliri bilen bir waqitta yene éghir jazagha höküm qilin'ghan türmidiki Uyghur mehbuslirining ichki organlirinimu mejburiy köchürgenlikige da'ir bir-qisim delil-ispatlarni otturigha qoyghan.

Mezkur xette adem organlirini mejburiy köchürüshke qarshi xelq'ara tébbiy adwokatlar guruppisining diréktori torstén tiréy xitay hökümitidin bu mesile heqqide éniq jawab bérishni telep qilghan.

Toluq bet