Хәлқара теббий саһәдикиләр адәм органлирини көчүрүш мәсилисидә хитайни қаттиқ әйиблиди

Мухбиримиз қутлан
2014-04-07
Елхәт
Пикир
Share
Принт

«Бүйүк ера» гезитиниң 7-апрелдики хәвиригә қариғанда, хәлқара адәм органлирини көчүрүш тәшкилатлири йеқинда хитай компартийәсиниң баш секретари ши җинпиңға очуқ хәт йезип бирликтә имза қойған.

Мәзкур очуқ хәттә, хитайниң нөвәттики сиясий системисиниң адәм органлирини елип-сетиш һадисилиригә йочуқ ечиватқанлиқи һәмдә теббий саһә бойичә хәлқара қаидә-низамларни бузуватқанлиқи қаттиқ әйибләнгән.

Мәлум болушичә, хитай һазир адәм органлирини елип-сетиш бойичә дунядики әң чоң қараңғу базарға айланған. Болупму 1999-йилидин буян хитай түрмисигә қамалған фалунгуң муритлириниң ички әзалирини елип-сетиш қилмиши хәлқара җамаәтчиликниң диққитини қозғап кәлгән.

Мәзкур очуқ хәттә йәнә, хитай даирилириниң тутқундики фалунгуң муритлири билән бир вақитта йәнә еғир җазаға һөкүм қилинған түрмидики уйғур мәһбуслириниң ички органлириниму мәҗбурий көчүргәнликигә даир бир-қисим дәлил-испатларни оттуриға қойған.

Мәзкур хәттә адәм органлирини мәҗбурий көчүрүшкә қарши хәлқара теббий адвокатлар гурупписиниң директори торстен тирей хитай һөкүмитидин бу мәсилә һәққидә ениқ җаваб беришни тәләп қилған.

Пикирләр (0)
Share
Толуқ бәт