Xitayning en'gliyediki Uyghurlargha qarita jasusluq herikiti élip bériwatqanliqi ilgiri sürüldi

Muxbirimiz erkin
2020-05-15
Élxet
Pikir
Share
Print

Amérikadiki "Wayis" agéntliqi xitay hökümitining en'gliyediki Uyghurlargha qarita jasusluq herikiti élip bérip, ularni nazaret qiliwatqanliqini ilgiri sürdi.

Mezkur agéntliqining 15-may élan qilghan xewiride burun en'gliyediki Uyghurlarning her ayda bir qétim pa'aliyet ötküzüp, yémek-ichmek, milliy kiyim-kéchek we sen'eti arqiliq özlirining ittipaqliqini namayan qilip kelgenliki, biraq hazir bu xil pa'aliyetlerning pütünley toxtighanliqini bildürgen.

Xewerde tekitlishiche, bu pa'aliyetning toxtap qélishigha hazirqi karantin seweb bolmighan, belki jasuslarning Uyghur jem'iyitige singip kirip, kishilerning hayatigha tehdit peyda qiliwatqanliq seweb bolghan iken. Xewerde en'gliyediki Uyghur jem'iyitige singip kirgen xitay jasuslirining kimliki tilgha élinmighan, lékin "Qorqunch we gumanxorluq jama'etning bölünüshini keltürüp chiqarghanliqi" ni bildürgen.

Xewerde nurghun pa'aliyetlerge munasiwetsiz yaki namelum Uyghurlar teklip qilinip, pa'aliyetlerning "Qizilliship" ketkenliki, xitay da'irilirining gherb elliridiki Uyghurlargha öz jama'itining uchurlirini yetküzüp bérish bedilige ularning yurtidiki uruq-tughqanlirini qoghdashqa wede béridighanliqi bildürülgen.

Xewerde qeyt qilinishiche, nurghun kishiler xitayning bésimi we uruq-tughqanliridin endishe qilip süküt qilish yolini tallighan bolsimu, lékin kérim zahir we uning qizi dil zahirdek tehdit we zorawanliqqa bash egmigen Uyghurlarmu bar iken.

Toluq bet