Kishilik hoquqni közitish teshkilatining Uyghur élidiki teqib sistémisigha a'it doklati zor ghulghula qozghidi

Muxbirimiz irade
2019-05-02
Élxet
Pikir
Share
Print

Xelq'ara kishilik hoquqni közitish teshkilati 2-may küni xitay hökümitining Uyghur élida yolgha qoyuwatqan nazaret sistémisi heqqide bir parche doklat élan qilip, zor ghulghula qozghidi.

Doklatta éytilishiche, xitay saqchiliri Uyghurlarni nazaret qilish üchün qolliniwatqan téléfon epliri, yeni "Torlashturush, öz-ara yetküzüsh supisi" dep atilidighan bu xil sistéma nishan'gha élin'ghan bir kishige a'it az dégende 36 xil türdiki uchurni saqlaydiken. Ular melum bir kishining égizliki, chéchining renggi qatarliq fizikiliq alahidilikliridin tartip, u kishining adette bashqilar bilen arilishidighan yaki arilashmaydighanliqi, heptide qanche qétim talagha chiqqan yaki chiqmighanliqidek heriketlirinimu xatirilep mangidiken we analiz yürgüzidiken. 

Mezkur ep hetta bir kishi eger öyining aldi ishikidin chiqmay, arqa ishikidin chiqsimu buni bir "Bésharet" süpitide saqchi organlirigha signal béridiken. 

Kishilik hoquqni közitish teshkilatining doklatidiki bu pakitlar küchlük diqqet qozghidi. 

Xelq'aradiki dangliq axbarat wasitiliridin b b s, "El-jezire", "Blumbérg", "Maliye waqti géziti" qatarliq nurghun axbaratlar bu doklatni xewer qilip, xitay hökümitining Uyghur rayonida ishqa séliwatqan yuqiri pen-téxnikiliq teqib torini talash-talash qildi. 

Bu heqtiki munazirilerde xitay hökümitining bügün Uyghurlargha yürgüzüwatqan bu yuqiri pen-téxnikiliq teqib sistémisi ete xitay puqraliri üchün, kélechekte bolsa pütün insaniyet üchün bir zor xewp, dep körsitildi.

Toluq bet