Кишилик һоқуқни көзитиш тәшкилатиниң уйғур елидики тәқиб системисиға аит доклати зор ғулғула қозғиди

Мухбиримиз ирадә
2019-05-02
Елхәт
Пикир
Share
Принт

Хәлқара кишилик һоқуқни көзитиш тәшкилати 2-май күни хитай һөкүмитиниң уйғур елида йолға қоюватқан назарәт системиси һәққидә бир парчә доклат елан қилип, зор ғулғула қозғиди.

Доклатта ейтилишичә, хитай сақчилири уйғурларни назарәт қилиш үчүн қоллиниватқан телефон әплири, йәни «торлаштуруш, өз-ара йәткүзүш суписи» дәп атилидиған бу хил система нишанға елинған бир кишигә аит аз дегәндә 36 хил түрдики учурни сақлайдикән. Улар мәлум бир кишиниң егизлики, чечиниң рәңги қатарлиқ физикилиқ алаһидиликлиридин тартип, у кишиниң адәттә башқилар билән арилишидиған яки арилашмайдиғанлиқи, һәптидә қанчә қетим талаға чиққан яки чиқмиғанлиқидәк һәрикәтлириниму хатириләп маңидикән вә анализ йүргүзидикән. 

Мәзкур әп һәтта бир киши әгәр өйиниң алди ишикидин чиқмай, арқа ишикидин чиқсиму буни бир «бешарәт» сүпитидә сақчи органлириға сигнал беридикән. 

Кишилик һоқуқни көзитиш тәшкилатиниң доклатидики бу пакитлар күчлүк диққәт қозғиди. 

Хәлқарадики даңлиқ ахбарат васитилиридин б б с, «әл-җәзирә», «блумберг», «малийә вақти гезити» қатарлиқ нурғун ахбаратлар бу доклатни хәвәр қилип, хитай һөкүмитиниң уйғур районида ишқа селиватқан юқири пән-техникилиқ тәқиб торини талаш-талаш қилди. 

Бу һәқтики муназириләрдә хитай һөкүмитиниң бүгүн уйғурларға йүргүзүватқан бу юқири пән-техникилиқ тәқиб системиси әтә хитай пуқралири үчүн, келәчәктә болса пүтүн инсанийәт үчүн бир зор хәвп, дәп көрситилди.

Пикирләр (0)
Share
Толуқ бәт