Хәлқара кәчүрүм тәшкилати хитайниң уйғур сияситини қаттиқ әйиплиди

Мухбиримиз алим сейтоф
2020-02-01
Елхәт
Пикир
Share
Принт

Хәлқара кәчүрүм тәшкилати 30-январ күни өзиниң 2020-йиллиқ кишилик һоқуқ докладини елан қилип, хитай һөкүмитиниң уйғурларға қаратқан бастуриш сияситини қаттиқ әйиплиди.

Бу докладта ейтилишичә, хитай һөкүмити2019 ‏-йили аталмиш «терорлуқ» вә «бөлгүнчилик» ни баһанә қилип туруп уйғурларға йүргүзиватқан бастурушлирини алаһидә күчәйтгән. Докладта йәнә хитай һөкүмити аталмиш «кәспий маһарәт тәрбийәләш мәркәзлири» ни кейинчә тақиветидиғанлиқини билдүргән болсиму, әмма униң уйғур вә қазақ қатарлиқ мусулман милләтләрни тутқун қилиши һелиһәм давамлашқан.

Хәлқара кәчүрүм тәшкилати һәр йили бир қетим йиллиқ кишилик һоқуқ доклади елан қилидиған болуп, бу қетимқи докладида хитай һөкүмитиниң уйғур диний затлири, зиялийлири вә илим игилириниң өзлириниң қануний сөз вә диний әркинликини қолланғанлиқи үчүнла зиянкәшликкә учриғанлиқини алаһидә әскәрткән. 

Хәлқара кәчүрүм тәшкилати «нйо-йорк вақти гезити» өткән йили ноябирда елан қилғанхәвиридә хитайниң мәхпий һөҗҗәтлири ичидики мәзмунларниң лагер шаһидлириниң бәргән гуваһлиқлириға уйғун икәнликини билдүрүргән. Униңда йәнә бу һөҗҗәтләр хитай һөкүмитиниң уйғурларни тутуп туруватқан лагерларниң аталмиш «кәспий маһарәт тәрбийәләш мәркәзлири» әмәсликини испатлайду, дейилгән.

Пикирләр (0)
Share
Толуқ бәт